Prej ditësh ka nisur të rritet kurioziteti për emrat që po lakohen në media rreth prezantuesve të edicionit të 54-t të Festivalit në RTSH. Por besojmë që përzgjedhja e këtij viti i ka ju ka surprizuar të gjithëve!
Kështu do të ngjiten në skenë për të prezantuar festivalin skenaristi dhe prezantuesi Pandi Laço, aktorja nga Kosova Gresa Pallaska dhe gazetarja Blerta Tafani.
Pandi Laço do të jetë krah dy bukurosheve, jo vetëm si prezantues, por edhe skenaristi zyrtar i festivalit të 54-t, ndërkohë gazetarja Blerta Tafani, vjen nga studiot e TVSH-së, pas një eksperience të gjatë në media, si gazetare dhe spikere lajmesh. Mjaft kuriozitet ngjall emri i aktores Gresa Pallaska, e cila ngjitet në skenë, jo thjesht duke respektuar traditën e krijuar të festivalit, i cili prezantohet edhe nga përfaqësues nga Kosova, por edhe pas sukseseve në skenën e teatrit dhe kinemasë kosovare, por edhe një figurë e dashur për publikun përmes produksioneve televizive.
Marre nga Bordo
