eventuale testo quando mette il mouse sull'imagine
Tags Posts tagged with "MasterChef Albania"

MasterChef Albania

Është një nga personazhet e ekranit më të dashur të momentit, Renato Mekolli shefi më simpatik i Masterchef Albania, ka pranuar të jetë pjesë e Intervistës ekskluzive të Info Media Albania e realizuar me pyetjet e ndjeksëve tanë të rregullt të dërguara në faqen tonë. Profesioni, angazhimet në televizion dhe jeta sentimentale. Një intervistë ndryshe nga ato që kemi lexuar deri më sot, që do të shuaj kuriozitetin e shumë prej atyre që Renato ka arritur t’i bëjë për vete me thjeshtësine, buzëqeshjen dhe pozitivitetin që vetëm ai di të përcjellë!

Eksperienca juaj e parë në një televizionin shqiptar ishte me emision tuaj në Living, a do të kemi të tjera sezone me Renaton protagonist?

Po, ishte në Living dhe meqenëse më jepet rasti e falenderojë stafin e ketij kanali që më dha mundësinë të isha pjesë e programacionit të tyre. Sigurisht, që do ketë sezone të tjera me ide të reja dhe tepër të veçanta, por nuk dua që të nxitohem.

Tashmë, kanë filluar përgatitjet për edicionin e dytë të MasterChef Albania, çfarë ka menduar të sjellë ndryshe Renato në këtë edicionin?

Është shpejt që të flasim për edicionin e dytë të MasterChef Albania, kur të vij momenti përseri këtu do jemi. (qesh)

Pas MasterChef Albania cila është sfida juaj e radhës në televizionet shqiptare?

Është shpejt akoma për të zbuluar sfiden time të rradhës, por të jeni të sigurtë se do të shihni si gjithmonë diçka të veçantë.

Mendoni se një version shqiptar i MasterChef Junior do ketë sukses në Shqipëri?

Shqipëria është një vend i vogël dhe është më e vështirë realizimi i të tilla formateve, por jam i sigurtë se nëse një ditë në ekranet shqiptare do të bëhej MasterChef Junior, do ketë po të njëjtin sukses që ka edhe MasterChef Albania sot.

Keni menduar ndonjëherë të hapni restorantin tuaj në Shqipëri ose Greqi?

Sigurisht që e kam menduar, por angazhimet e shumta nuk më kanë lejuar të ndërmarrë nje sipërmarrje të tillë për momentin. Shqipëria është vendi ku po mendojë të realizojë diçka të bukur dhe të veçantë. Avash avash, nuk dua të nxitohem.

Në restorantin ku ju punoni a ofron menuja një gatim shqiptar? Nëse jo a e keni menduar të propozonit një gatim tonin tradicional?

Në restorantin ku unë jam chef executive nuk ka diçka përsa i përket gatimit tonë, pasi është një restorant me histori 100 vjeçare, ajo çfarë unë kam servirur është modernizimi i kuzhinës greke, duke futur karakteristikat e kuzhinës gourmet dhe me klas.

Si ju duket cilësia e gatimeve në restorantet me emër në Shqipëri, a mund të konkurojë me kuzhinën ndërkombëtare?

Cilësia e restoranteve shqiptare përsa i përket gatimeve është shumë e dobët, duhet shumë punë akoma për t’i ofruar klientëve për ate sa shpenzojnë realisht. Kuzhina jonë tradicionale është shumë e shijshme dhe kjo falë njerëzve të moshës më të madhe, që gatuajnë me merak dhe dashuri. Jam i bindur që kemi një kuzhinë të pasur dhe një tokë që prodhon çdo gjë, do na kishin zili shumë vende të botës, dhe kjo falë klimës mesdhetare që kemi.

Pyetja e fundit që të gjithë janë kurioz dinë, në veçanti femrat, a është i dashuruar Renato?

Sigurisht që jam i dashuruar, dashuria për mua është frymëzim, më bën të qesh, të krijoj, më mbush gjithmonë me energji, nuk e keni vënë re akoma?! (qesh)

 

Ekskluzive Info Media Albania © 2014

Alfio, Albana, Miklovani dhe Uani janë katërshja më e mirë e edicionit të parë të MasterChef Albania. Për të ardhur deri këtu ata kanë kaluar sfida të vëshira dhe emocionuese. Albana, e vetmja konkurrente femër në gjysmëfinale nuk ka fituar asnjëherë si pjata më e mirë, ndërkohë që Miklovani ka fituar dy herë, Uani një herë dhe Alfio, i cili ka fituar gjithashtu dy herë me pjatën më të mirë.
Në gjysmëfinale ata do të përballen me disa sfida, njëra prej të cilave, është ajo që do të përcaktojë dhe 2 finalistët e këtij MasterChef-i.

Njihuni me katër gjysëmfinalistët.

albana

ALBANA, 25 VJEÇ SHTËPIAKE

Albana është kthyer në Shqipëri pas shumë vitesh emigracioni në Greqi. Pasioni për kuzhinën ka nisur që në moshën 13-14 vjeçare, kur shikonte emisionet e gatimit në televizor. Ka kryer një sërë kursesh gatimi, të cilat e kanë ndihmuar të perfeksionohet. Tre pjatat që gatuan më mirë janë: pastat, kaneloni dhe musakaja. Albana është e martuar dhe ka një vajzë të vogël 2 vjeç. Përveç gatimit ka pasion volejbollin.
Merr pjesë në MasterChef: Sepse është një arsye e fortë për t’u kthyer përgjithmonë në Shqipëri dhe për të nisur një jetë të re.

alfio

ALFIO, 24 VJEÇ PICAJOL

Alfio është nga Shkodra, por jeton prej shumë vitesh në Treviso të Italisë. Është një djalë shumë ambicioz dhe gjithnjë në kërkim të përmirësimit të vetes. Profesioni i tij janë picat. Ai punon 15 orë në ditë, gjë që e mban larg fmiljes dhe dëshirave të tjera të kohës së lirë. Gatimi për të është një frymëzim i vazhdueshëm. Sa herë mërzitet gatuan, dhe gjithçka merr tjetër kuptim për të. Kuzhina e preferuar është sigurisht ajo italiane. Pjata që pëlqen më shumë është spageti ala karbonara. Pika e tij më e fortë në kuzhinë është durimi.
Merr pjesë në MasterChef: Që të fitojë njohuri të reja dhe të për të fituar çmimin e madh.

miklovani

MIKLOVANI, 26 VJEÇ I VETËPUNËSUAR

Miklovani është larguar nga Shqipëria në një kohë kur në Itali ikej me gomone. Ai ka qenë 9 vjeç dhe këtë episod s’e harron dot lehtësisht. Ai është shumë këmbëngulës dhe mjaft i përkushtuar ndaj punës. Ka një mënyrë pune aq të organizuar saqë nuk i bëjnë përshtypje të papriturat apo presioni i kohës kur gatuan. Ka nisur të gatuajë që në moshë të vogël, pasi prindërit ktheheshin vonë dhe atij i duhej të gatuante për vete dhe motrën. Kuzhina është pasioni më i madh i jetës. Pjatat e preferuara janë: supa e peshkut, orizi me akullore borziloku dhe karpaço karkaleci e gjallë. Përveç gatimit pëlqen dhe futbollin dhe makinat.

Merr pjesë në MasterChef: Sepse ai mendon se ka përbërësin sekret: talentin!

uani

UANI, 21 VJEÇ KAMARIER

Ai është konkurrenti më i ri në moshë në MasterChef. Prej 15 vjetësh jeton në Greqi nga ku vjen enkas për audicionet e MasterChef. Gatimi është nga dashuritë e tij më të mëdha. Që i vogël, duke qenë hamës i madh, shikonte në ëndërr pjata të ndryshme. Të nesërmen fillonte t’i gatuante të gjitha pjatat që kishte ëndërruar. Uani është një djalë shumë serioz në kuzhinë dhe shumë i përkushtuar në pasionin e tij. Kuzhina e preferuar është ajo meksikane. Përveç gatimit ai ka hobi futbollin dhe handbollin.
Merr pjesë në MasterChef: Për të mësuar dhe për të ndërtuar një biznes privat të vetin.

Televizioni juaj i preferuar?

Këtë të shtunë, më 17 maj, konkurrentët do të përballen me dy prova krejtësisht të veçanta. Për herë të parë, këtë javë do të gatuhen shpendët në kuzhinën e MasterChef, por mënyra se si do të gatuhen do të jetë ndryshe nga episodet e kaluara.
Konkurrenti i cili do të fitojnë Provën e Kutisë Misteroze është ai që do të zgjedhë se çfarë do të gatuajë secili prej tyre.
Një garë plot emocion, nga e cila një tjetër konkurrent do të lërë garën, duke e çuar në 6 numrin e tyre.

Çdo gjë është gati për fillimin e edicionit të parë të MasterChef Albania. InfoMedia Albania ka arritur të zbulojë datën zyrtare të nisjes së transmetimit.

Do të jetë pikërisht data 8 Mars në mbremje kur Top Channel do të hap dyert e kuzhinës për aspirantet chef që do të garojnë per çmimin e MasterChef! Çmimi për fituesin e këtij reality do të jetë botimi i nje libri me recetat e përgatitura. Jo pak për një fillim karriere të suksesshme në artin e bukur të kuzhinës.

renato-mekolli

 

Dhe për të vlerësuar konkurentët e MasterChef Albania do të jenë tre chef-at e njohur të kuzhinës shqiptare dhe jo vetëm, Sokol Prenga chef dhe pastiçier i mirenjohur tashmë, falë disa emisioneve televizive, gjithashtu pronar i ‘Restorant pasticeri Delikatesë’. Gëzim Musliaka, i cili gjithashtu zotëron një restorant me emër në kryeqytet dhe mjaft i vlerësuar nga kritika popullore. Renato Mekolli, djali i “Kapeleve të Arta”, akoma dhe më i njohur dhe i vleresuar në rang ndërkobetar për recetat e tij dhe ekselencën në artin e kuzhinës.

Në Masterchef Albania kanë filluar audicionet në qytetet kryesore të Shqipërisë, Kosovës dhe Maqedonisë, për të marrë pjesë në garë për tu bërë Masterchefi i parë shqiptar.
Në televizion kanë filluar promocionet, ku gjithashtu flitet se do trasmetohet shumë shpejt, mbase gjate muajit mars.
Ne IMA, ka ardhur lajmi i parë jo zyrtar mbi emrin e parë të treshes së jurisë. Bëhet fjalë për René Rexhepin.

Rexhepi është shquar për punën e tij për rikrijimin dhe përpunimin e një kuzhine të re Nordike dhe ushqime që karakterizohen nga origjinaliteti dhe shijet e pastërta.
Rexhepi është biri i një shqiptari etnik, që emigroi në Danimarkë nga ish-Jugosllavia (sot Republika e Maqedonisë), me nënë daneze.

Në klasifikimin ndërkombëtar San Pellegrino World’s Best Restaurant 2012, garë që rendit 50 restorantet më të mira të botës të gjykuara nga 837 ekspertë të një jurie ndërkombëtare, për të tretën herë vendi i parë i shkoi restorantit Noma të Kopenhagënit ku shef kuzhine, është Rene Rexhepi.

Rene Rexhepi ka publikuar dhe disa libra me receta gatimi ku disa prej tyre mbajnë si titull emrin e restorantit “NOMA”.

3 Juristët e Masterchef, duhet të jenë me famë ndërkombëtare, të kenë publikuar libra recetash dhe të jenë të vlersuar me cmime.

Shpresojmë që René të pranojë të bëhet pjesë e jurisë, ku do i shtonte vlerat versionit shqiptar. Së shpejti do ju bëjmë publike edhe emrat e tjerë të jurisë, ju ftojmë të ndani me ne mendimet mbi talent show e parë kulinar, ku ka bërë sukses në të gjitha shtetet që është realizuar.