Alketa bën paqe me Tunën

Bashkohuni me grupin tonë zyrtar në Facebook duke klikuar këtu!

Një vonesë e Tunës në provat gjenerale, ka bërë që të plas sherri në mes saj dhe producentes dhe prezentueses, Alketa Vejsiu.
Alketa ka kërkuar qetësisht nga Tuna të futet në provën gjenerale, duke qenë se për shkak të saj ajo (prova) ishte shtyrë për orë të tëra, por artistja ekstravagante ka kundërshtuar e më pas ka ofenduar Alketën, duke e quajtur veç të tjerash prezantuese të dështuar. Vejsiu më pas i është drejtuar Tunës me fjalët ‘e paedukatë’, ‘e droguar’, ‘psikopate’, e të tjera ofendime të ngjashme me këto.
E gjendur në këtë situatë, Tuna është larguar nga studiot e grimit në “Tv Klan” dhe ka nxituar për në parking. Pikërisht në këtë moment ka hyrë në lojë Vera Grabocka dhe pjekuria e saj, e cila me fjalët ‘zemre e Verës’ ka arritur ta kthejë Tunën në skenë, duke sjellë kështu si rezultat realizimin me sukses të show-t.
Kishte disa javë që ato nuk flisnin me njëra tjetrën por në edicionin e fundit të X Factor, para se të fillojë transmetimi, në rrjetet sociale është postuar kjo fotografi, ku shihen Tuna dhe Alketa duket se kanë rregulluar të gjitha keqkuptimet dhe kanë rikthyer miqësinë.