Prezantuesja e njohur italiane, Barbara D’Urso, do të bëjë një rikthim spektakolar në Rai si e ftuar speciale në emisionin shumë të ndjekur “Dancing with the Stars”. D’Urso do të performojë si balerinë në puntatën e parë të sezonit të ri, që do të nisë më 5 tetor. Ky do të jetë një moment i rëndësishëm për të, pasi shënon rikthimin e saj në ekranin e Rai pas disa vitesh mungesë.
Moderatorja e emisionit, Milly Carlucci, ka konfirmuar lajmin dhe ka zbuluar se ky është një bashkëpunim që ka kërkuar përpjekje të mëdha. Flitet gjithashtu se pjesëmarrja e D’Urso do të kushtojë një shumë të konsiderueshme për televizionin, pasi ajo do të paguhet 70.000 euro për vetëm një natë spektakli.
Përtej këtij bashkëpunimi, ka spekulime që Barbara D’Urso mund të vazhdojë me projekte të tjera në Rai, përfshirë një prime-time të mundshëm në vitin 2025, megjithëse këto janë ende në fazë hipotezash.
