Këngëtarja shqiptaro-amerikane Bebe Rexha ka ndarë disa video në Instastory ku duket në një gjendje të rënduar emocionale. E përlotur, ajo ka treguar se është përballur me një incident të pakëndshëm gjatë një udhëtimi.
Sipas Bebe Rexhës, një punonjës i kompanisë së fluturimit Lufthansa nuk e lejoi atë të hipë në avion, dhe madje e trajtoi keq, vetëm sepse ajo i kishte folur shqip. Ajo mendonte se agjenti ishte shqiptar dhe për këtë arsye e kishte përshëndetur në gjuhën amtare. Kjo duket se ka çuar në një keqkuptim, duke përfunduar me anulimin e fluturimit të saj.
Këngëtarja ndodhej në Riad, Arabinë Saudite, ku ishte e ftuar për të performuar në festivalin ‘MDL Beast’, dhe po përgatitej për t’u nisur drejt Los Angeles. Përmes videove të saj, ajo ka shprehur zhgënjimin dhe tronditjen që përjetoi nga ky incident.
