Mbrëmjen e djeshme në spektaklin në zbulim të talenteve të muzikës “The Voice of Albania”, pas audicioneve të fshehta është mbyllur edhe faza e betejave. Ku nata e fundit e këtij raundi ka qënë po ashtu sfidues por njëkohësisht edhe tepër i vështirë nga anëtarët e jurisë.
Por cili arriti të dilte fitimtar nga secila skuadër?
Betejat në skuadrën e Xuxit
Mbrëmja u hap me skuadrën e Xuxit mes Mario Mançellit dhe Anton Prendit, ku ai i cili do të vazhojë në fazën e rradhës është Mario. Konkurimi më pas vazhdoi mes Visit dhe Jehonës. Xuxi trajneri i skuadrës, në përfundim, gjykoi se Jehona dha një performancë më të mirë dhe zgjedh të vijojë garën me të. Ndërkohë Argela dhe Adela, në duetin e tyre intepretuan një nga këngët e Rona Nishliut, ku ajo e cila ia doli ishte Adela. Dyshja e fundit e cila u përball në ring nga skuadra e Xuxit ishte Mehmeti dhe Maria Luigia. Xuxi zgjedh fituese Maria Luigia-n, por gara nuk mbaron këtu as për Mehmetin. Ai rrëmbehet nga Albani dhe mbrëmja kështu arriti një tjetër rast shumë emocionues.
Betejat në skuadrën e Besës
Emily Sande me Hurts “zbriti” në skenën e The Voice nga skuadra e Besës, e cila u intepretua nga Aldo dhe Dea. Ndërkohë Dea nuk pati një mundësi të dytë për të vazhduar rrugëtimin e saj në spektakël, por intepretimi i saj i djeshëm mbeti dinjitoz. Motrat nga Karaibet Kellian dhe Katherin u përballën me Melisën me një nga këngët e Alban Skenderaj. Ndërkohë Motrat Daniels do të vazhdojnë sfidën së bashku në The Voice.
Betejat në skuadrën e Albanit
Të tretët që konkuruan natën e fundit të betejave ishin Jona dhe Drenica nga skuadra e Albanit. Ajo që arriti të fitonte këtë betejë ishte pikërisht Jona. Ndërkohë dueti mes dy djemve Leutrimit dhe Ndriçimit arriti të fitohej nga djaloshi nga Tetova Ndriçimi.
Betejat në skuadrën e Ronës
Dueti midis Lauretës dhe Artjolës, u cilësua si më i forti nga Rona. Sfida arriti të fitohej nga Laureta. Artjola pati një mundësi të dytë, ku do të kalojë me skuadrën e Besës. Beteja e fundit për këtë edicion ishte ajo mes Lisit dhe Arjetës. Lisi ishte i zgjedhuri i Ronës për të vijuar garën.
Por sfidat nuk mbarojnë me kaq! Një formulë e re do të vijë për herë të parë në versionin Shqiptar të “The Voice”. Do të jenë pikërisht superbetejat. Ndërkohë se si do të funksionojë përzgjedhja e garuesëve do të publikohet në ditët në vazhdim nga produksioni i spektaklit./imalbania.com/
