Sezoni sportiv 2026–2027 ka nisur dhe bashkë me të rikthehet edhe gara televizive për kompeticionet më të ndjekura nga publiku shqiptar.
DigitAlb ka prezantuar programacionin sportiv për sezonin e ri, me një listë të gjerë kampionatesh dhe kompeticionesh që shkon shumë përtej futbollit.
Në futboll, oferta përfshin disa prej ligave më të rëndësishme europiane: Premier League, LaLiga, Serie A, Ligue 1, Bundesliga, Eredivisie, kampionatin turk dhe atë skocez, Championship-in anglez, si edhe Abissnet Superiore në Shqipëri.
Por pjesa më e fortë e sezonit pritet të vijë nga kompeticionet europiane.
UEFA Champions League, Europa League dhe Conference League janë pjesë e programacionit, së bashku me disa prej kupave kombëtare më të rëndësishme si FA Cup, Carabao Cup, Coppa Italia, Copa del Rey, DFB-Pokal dhe Coupe de France.
Jo vetëm futboll
Oferta sportive zgjerohet ndjeshëm edhe jashtë futbollit.
Tifozët e automobilizmit do të mund të ndjekin Formula 1 dhe MotoGP, ndërsa basketbolli përfaqësohet nga NBA dhe kompeticionet e FIBA-s.
Në programacion përfshihen gjithashtu Wimbledon dhe evente të tjera të tenisit, UFC, boks, volejboll dhe disa prej aktiviteteve kryesore të atletikës botërore.
Kombëtarja shqiptare mbetet në qendër
Një hapësirë e rëndësishme do t’i kushtohet edhe Shqipërisë.
Ndeshjet e Kombëtares kuqezi në Nations League, takimet miqësore dhe sfidat e tjera ndërkombëtare janë pjesë e kalendarit të prezantuar.
Vëmendja më pas do të zhvendoset drejt një tjetër objektivi të madh për Shqipërinë: rrugëtimit drejt Euro 2028, me eliminatoret që nisin në vitin 2027.
Me këtë paketë, sezoni 2026–2027 pritet të jetë një nga më të ngarkuarit për sportin televiziv, me futbollin europian si pikën kryesore, por me një ofertë që synon edhe publikun e basketbollit, motorsportit, tenisit dhe sporteve luftarake.
Ndërkohë, DigitAlb ka njoftuar edhe një ofertë promocionale për paketën Premium me çmim 24,900 lekë për një vit, e vlefshme deri në fund të muajit.
