Edicioni i 9-të i reality show-t Big Brother Albania këtë vit pritet të jetë edhe më i ndjekur, përveç rikthimit të prezantueses Arbana Osmani, e cila mungoji edicionin e kaluar, ky edicion premton edhe disa risi në format dhe mjaft surpriza për të cilat ju kemi informuar edhe javë më parë. E ndërkohë që audicionet kanë filluar dhe interesi ka qenë i madh në pjesëmarrje, duket se pjesë e tij është bërë edhe një djalë nga Serbia.
Ky djalë personazh, i cili për herë të parë u bë i njohur për publikun shqiptar nëpërmjet videove të tij në YouTube ku tregonte se si e festojnë shqiptarët ndërrimin e viteve.
Nëpërmjet një video postimi ai ka treguar se është bërë pjesë e audicioneve për në Big Brother Albania. Edhe pse nuk dihet ende nëse është kofirmuar hyrja e tij në shtëpinë më të famshme në Shqipëri, vështirë të mendohet se autorët do e refuzonin një banor me prejardhje nga Serbia që do të sillte padyshim një element diskutimi në këtë format duke pasur parasysh historinë dhe përplasjet kulturore e sociale që shqiptarët kanë me popullin serb.
/www.imalbania.com/
https://www.youtube.com/watch?v=K5xtvMx_k6s
