Njihuni me jurinë e ‘Top Talent 2’

Talent show “Top Talent 2” nis transmetimin në muajin maj çdo të premte mbrëma

Anëtarët jurisë së sezonit të dytë do të jenë: Eno Popi, Salsano Rrapi, Bieta Sulo, Muhamed Veliu, Elona Duro. Show do të prezantohet nga Eneda Tarifa.

Tre janë kategoritë e konkurimit : Gazetar, Prezantues, Interpretues. Show do të jetë këtë sezon në 10 javë, dhe do të vijë i riformatuar.

Katër javët e para do të jenë prezantimi i konkurrentëve përpara jurisë, me pas faza çerek finale, e cila do të jetë në 3 mbrëmje, në të cilën konkurrentet do të sjellin materialet e tyre të regjistruara e të përgatitura në Top Channel. Në fazën gjysmëfinale, e cila do të jetë në 2 mbrëmje konkurentët do të konkurrojnë me materiale që do t’ia përcaktojë juria.

Konkurrentët që do të kualifikohen në mbrëmjen finale do të kenë mundësi të jenë fitues i një çmimi në vlerë monetare, si dhe të realizojnë ëndrrën e tyre për të qenë pjesë e Top Channel. Produksioni ka nisur prej muajit janar realizimin e një show ku do të ketë shumë spektakël, emocione, humor.

Pjesë e show-t në këtë sezon do të jetë edhe publiku në sallë, i cili do të ketë mundësi të votojë konkurentin e preferuar për t’a kaluar në fazën tjetër të konkurrimit nëse konkurrenti nuk do të sigurojë shumicën e votave të jurisë.

Autore e Top Talent është Ledja Liku, regjisor i show-t Redi Treni, skenarist Olsi Çala, dhe kryeredaktor Andi Pinari.

Top Talent 2 vjen këtë sezon me skenografi të re dhe madhështore nga skenografi Fatmir Minga.

“Top Talent” është një mundësi për të gjithë gazetarët dhe prezantuesit e rinj, që synojnë të jenë pjesë e televizionit por edhe për të gjithë interpretuesit në zhanra të ndryshëm.

REKLAMA
loading...

KOMENTO

This site uses Akismet to reduce spam. Learn how your comment data is processed.