Momentet më të bukura në ekran janë sidomos në fundvit, kohë kur e gjithë familja mblidhet së bashku për të festuar. Dhe aty ku kemi fjalën “festë në familje”, kemi dhe gjithmonë të pranishëm ekranin e televizorit, i cili sidomos në ditët e Vitit të Ri ofron një program të larmishëm për të gjithë. Ashtu si Top Channel, TV Klan, Vizion Plus dhe RTSH, edhe televizioni gjeneralist kushtuar brezit të ri INTV, ka përzgjedhur një grilë programore mjaft argëtuese.
Ndryshe nga të tjerët, festat në INTV fillojnë që nga data 30 Dhjetor. Ermal Peçi me formatin e tij talk show “Një Kat më Lart”, do të ketë të ftuar në një puntatë festive 2 personazhe të ekranit. Gazmend Paja do të jetë i ftuari i parë i shtëpizës së vogël të Ermalit në IN, ndërsa Ana Lika do të jetë mysafirja e dytë në emision.
Ndërrimi i viteve në IN, do të shoqërohet nga 2 koncerte të disa prej artistëve më të famshëm në botë. Në orën 23.00, do të startojë koncerti i grupit të famshëm të të rinjëve “One Direction” i titulluar “Up All Night – The Live Tour”. Pas koncertit të 1D, vendi do t’i lihet spektaklit të Beyonce në mesnatë.
Në datën 1 dhe 2 do të jenë gjithashtu edhe puntat festive të dy programeve të përditëshmërisë, “Fun Day” dhe “Kolaudim”.
Programi gjithashtu do të jetë i pasur edhe me filma dhe seriale të cilat do t’iu argëtojnë pafund në ekran./IMA/
