“Big Brother VIP Kosova” ka nisur zyrtarisht përgatitjet për sezonin e ri, ndërsa është konfirmuar edhe rikthimi i Olsa Muhametit në rolin e producentes së formatit.
Lajmi është bërë i ditur nga moderatori Alaudin Hamiti, i cili përmes një postimi në InstaStory zbuloi se Olsa Muhameti do të drejtojë për të tretin vit radhazi produksionin e reality show-t më të ndjekur në Kosovë.
“Nisi puna”, la të kuptohet Hamiti, duke konfirmuar se ekipi ka filluar tashmë përgatitjet për edicionin e ardhshëm.
Rikthimi i Olsa Muhametit vjen pas dy sezoneve të suksesshme të “Big Brother VIP Kosova”, ku ajo ka qenë një nga emrat kyç pas realizimit të formatit. Me një eksperiencë të gjatë në produksionin e reality show-ve shqiptare, pritshmëritë për sezonin e ri mbeten të larta.
Edhe pse ende nuk janë bërë publike detaje mbi datën e nisjes, moderatorët apo emrat e banorëve të rinj, puna për edicionin e ardhshëm ka hyrë zyrtarisht në fazën e parë të organizimit.
Tashmë mbetet për t’u parë se cilat surpriza do të sjellë sezoni i ri i “Big Brother VIP Kosova”, një format që prej nisjes ka arritur të jetë ndër programet më të ndjekura dhe më të komentuara në Kosovë dhe më gjerë.
Po ju, a e prisni rikthimin e “Big Brother VIP Kosova”?
