Pas dy netëve të prezantimit të këngëve konkuruese, Festivali Mbarekombetar i Kenges per Femijë do të ulë sot siparin e Natës Finale të edicionit të tij të 55-të. I rijuar në maj të vitit 1963, festivali nuk i ka munguar ndjekësve të vegjël të artit, dhe veçanërisht qytetit tradicional të tij, Shkodrës.
Ky festival tashmë që prej 1993 është bërë një skenë multikulturore, duke përcjellë vlerat shqiptare edhe të trevave përreth. Edhe këtë vit, festivali është mbuluar me transmetim direkt në RTSH i cili ka edhe ekskluzivitetin e organizimit, në kanalet RTSH 2 dhe RTSH Muzikë.
Mbrëmjen e së Shtunës gjithashtu do mësojmë edhe përfaqësuesin “junior” të Shqipërisë në Eurovision Junior Contest i cili do të mbahet më 26 Nëntor 2017 në Tbilisi, kryeqytetin e Gjeorgjisë.
Festivali mbarëkombëtar këtë vit vjen nën organizimin e Bashkisë Shkodër, DAR Shkodër, QKF, Shoqata “Shpirti Artistik i Shkodrës” dhe RTSH me mbështetjen e Ministrisë së Kulturës./IMA/