Ka startuar sezoni i ri televiziv 2017-2018 në ekranet shqiptare me shumë të reja suprizuese, ndryshime programesh e moderatorësh, patenta të reja televizive e imazhe të rinj te cilë do të na shoqerojnë në ketë sezon të ri televiziv por, supriza dhe risia e vërtetë e këtij sezoni është “e ëmbla” Dojna dhe mistreci Kelvi.
Siç e keni lexuar dhe në IMA, Top Channel ka berë bashkë këtë dyshe tepër interesante për pasardhësin e emisionit Select i cili do të mbajë emrin “Pop Culture”. Një dyshe më perfekte nuk do kishte mundur të gjente Top Channel. Dojna me ëmbëlsine e saj për të cilën kam shkruar dhe do të shkruaj, pasi janë të pakët emrat e show bizit të cilet rrezatojnë mirësi (jo artificiale, se nga ajo lloj ëmbëlsie ka shumë) dhe me profesionalizimin që ka treguar përgjatë këtyre viteve në moderimin e emisioneve të rëndësishme që Top Media i ka besuar.
Ndërsa moderatori Kelvi Kadilli ka sjellë një frymë të re në ekranet shqiptare për sportivitetin, transparencën dhe pozivitetin, karakteristika që vështirë se një prezantues shqiptar mund t’i zotërojë të treja. Edhe pse një moderator i gjeneratës së re, Kelvi nuk ka ftuar kurrsesi tipa të dëshpëruar për famë dhe për intervista, Kadilli ka pasur të ftuar në emisionet e tij disa prej emrave më në zë të show bizit shqiptar, intervista të cilat shpeshherë kanë qënë burim lajmesh për portalet. Me një stil alla Mariano Di Vaio, ku gati sa duken si vellezer Kelvi është gjithashtu nje ndër moderatorët më simpatik që kemi, femrat do kenë një arsye më tepër tashmë pse të ulen para ekranit të Top Channel.
Dua të ndalem pak edhe tek spoti promovues i këtij emisioni i cili mund të them me plot bindjen se është më i veçanti që regjisorët e Top channel kanë krijuar ndonjëherë, ngjan pothuajse gati gati sikur është një prodhim i MTV. Shkatërrimi e ekranit me logon e Select, qendrimi tundues i Kelvit dhe veshja super sexy e Dojnes (veshje me gjera gjera, se e kam thënë dhe më parë moda nuk është fusha ime më e mirë) e bëjnë ketë spot të jetë shum IN! Urime dhe suksese, edhe pse me dy moderatorë si Dojna Mema dhe Kelvi Kadilli suksesi është i sigurt!
