Këtë mbrëmje, ashtu siç iu kemi informuar edhe më parë, aktorja turke Tuba Büyküstün, do të nderohet me çmimin “Giuseppe Sciaccia” me motivacionin për aktrimin e saj perfekt dhe për shkak të angazhimeve të saj me organizatën UNICEF.
Në fakt Tuba, është shprehur paksa e çuditur kur ka marrë ftesën, e pyetur nga mediat turke ajo është shprehur: “Nuk ia kam idenë se si Vatikani më njeh mua, por edhe pse ata më kanë dhënë një çmim, është vërtet e pabesueshme. Sidoqoftë të marrësh një çmim nga Vatikani është një nder dhe kënaqësi për mua”.
Ndarja e çmimeve Giuseppe Sciccia do të mbahet mbrëmjen e sotme në Universitetin Pontifikal të Vatikanit, ku në të gjithashtu do të nderohet edhe kreu i Kishës Orthodhokse Autoqefale të Shqipërise, Kryepeshkopi Anastas Janullatos.
Çmimet e Giuseppe Sciaccia shpërndahen çdo vit, në nder te Giuseppe Sciaccia një student mjaft i mirë i cili vdiq në një moshë shumë të re.
IMA / Nuk lejohet publikimi pa u marrë më parë autorizimi nga redaksia.
