Albina Kelmendi, artistja shqiptare e njohur si finaliste e “The Voice”, pjesëmarrëse në “Top Fest” dhe sidomos për baladat e cover-at e saj, i ka dhënë fund beqarisë. Këngëtarja është martuar fundjavën që lamë pas me partnerin e saj, në një dasëm që ka tërhequr jo pak vëmendjen e publikut në rrjetet sociale, por sidomos publikut të TikTok, ku është zbulua një detaj shumë i vecantë nga dasma.
Kështu, në një video që po qarkullon në platformën sociale, shihet Albina e cila e veshur me fustanin e bardhë dhe që meqë ra fjala, duket shumë e bukur, këndon në mes të të ftuarve të dasmës, këngën “Malet e Dibrës”. Përshkrimi i videos është shumë “funny”, teksa thuhet: “Kështu është kur e gjen këngëtare nusen, s’paguan fare”.
Në fakt, sigurisht që artistja nuk ishte këngëtarja e dasmës së saj, por një moment i tillë, përtej pjesës për të qeshur, tregon se sa Albina e ka shijuar ditën e saj të vecantë, po ashtu se nuk ka moment që ajo nuk mund të performojë “live”, sado që kushtet dhe lidhja mund të kenë qenë jo në favorin e saj.
https://www.tiktok.com/@switzerland901/video/7152475260426800390?is_from_webapp=1&sender_device=pc&web_id=7145033847490463238
https://www.instagram.com/p/Cjdg1h9IzWl/?utm_source=ig_web_copy_link
