Që nga marrja e komandës, Elon Musk ka reduktuar stafin e Twitter nga 8,000 në 1,500: një operacion që CEO i Tesla dhe SpaceX e ka përcaktuar si “të dhimbshëm”, i cili “nuk më argëtoi aspak” në një intervistë dhënë BBC. Duke iu përgjigjur pyetjeve të korrespondentit James Clayton nga selia në Twitter, Musk rrëfeu se marrja në dorë e rrjetit social ishte “e nevojshme”, por se menaxhimi i tij është “shumë i dhimbshëm” dhe është si të jesh në një “slitë rul”.
Musk theksoi se ai aspiron ta bëjë Twitter një medium “transparent dhe të ndershëm”, por se ka ende punë për të bërë.
Musk, në intervistën “surprizë” e dhënë me vetëm 20 minuta njoftim për gazetarin e BBC në selinë e Twitter në San Francisko, tha se po punonte për të përmbajtur dezinformimin, por mohoi që nën menaxhimin e tij në mediat sociale, të jenë rritur mesazhet e urrejtjes.
Pronari i ri tha se dëshiron të paguajë më pak për Twitter pasi zbuloi se ka shumë bot të automatizuar social që punojnë në rrjet. Ai tha se disa nga këshilltarët që ishin larguar me ardhjen e tij janë kthyer që atëherë. Dhe ai tha gjithashtu se për momentin, ai nuk do t’i jepte Twitter dikujt që do t’i ofronte një shumë të barabartë me 44 miliardë dollarë që ai pagoi për ta blerë atë një vit më parë. Biznesmeni me origjinë nga Afrika e Jugut, aktualisht njeriu më i pasur në planet, tha se reklamat në Twitter janë rritur nën drejtimin e tij dhe shtoi se buxheti i kompanisë është “pak a shumë i barabartë”: një deklaratë që BBC tha se nuk ishte në gjendje ta verifikonte në mënyrë të pavarur. Musk, shkruan BBC, ka hedhur disa batuta aty-këtu në intervistë, duke thënë gjithashtu se tani CEO i ri i Twitter është qeni i tij, Floki. Musk tha se fle shpesh në zyrë dhe, në lidhje me postimet e tij të diskutueshme, ai pranoi “Unë nuk mendoj se duhet të postoj më në Twitter pas orës 3 të mëngjesit”. Më në fund, pas presionit të intervistuesit, Musk premtoi se etiketa e BBC-së në Twitter, e cila tani shfaqet si “medium i financuar nga qeveria”, do të bëhet “i financuar publikisht”.