“Opera me Pizhama”: Teatri i Operas dhe Baletit nis shfaqjet në internet

Bashkohuni me grupin tonë zyrtar në Facebook duke klikuar këtu!

Teatri Kombëtar i Operas dhe Baletit, për shkak të situatës së krijuar nga pandemia e COVID-19, ka ardhur për herë të parë me një kalendar artistik tepër të veçantë duke u përshtatur dhe me kushtet e vetëizolimit.

“Opera me Pizhama”, kështu titullohet kalendari online i TKOBAP i cili do të sjellë për të gjithë publikun pa pagesë në kanalin e YouTube, opera, balet, koncerte dhe performanca soul të të gjitha trupave të teatrit. Një ide unike dhe tepër e veçantë kjo për të gjithë artdashësit, të cilët tashmë aktivitetet mund ti shijojnë përmes kompjuterit, celularit ose televizorit duke filluar nga 11 Prilli.

Shfaqja e parë e cila do të vijë përmes internetit do të jetë “La Boheme”, produksion operistik tepër i suksseshëm dhe i interpretuar nga artisët e rinj shqiptarë të skenës së Teatrit Kombëtar të Operas dhe Baletit.

Së bashku me Orkestrën e TKOB, do interpretojnë solistët e TKOB si dhe solistët e rinj të angazhuar në teatër në tre vitete fundit, së bashku me të ftuarit, këngetarët operistikë me famë ndërkombëtare. Shfaqja vjen nën regjinë e Ada Gurrës, dirigjimin e Lorenzo Tazzieri, kostumografinë e Ardi Asllanit dhe skenografinë e Renold Sula.

Sezoni artistik on line, #ndiqOPERAMEPIZHAMA mund të ndiqet në kanalin e Youtube të TKOBAP./InfoMedia Albania/

Bashkohuni me grupin tonë zyrtar në Facebook duke klikuar këtu!


Bashkohuni me grupin tonë zyrtar në Facebook dedikuar informacioneve rreth TELEVIZIONIT duke klikuar këtu!


Bashkohuni me grupin tonë zyrtar në Facebook dedikuar SERIALEVE TURKE duke klikuar këtu!