Ka ulur siparin “Junior Fest 2023”, një spektaktël i transmetuar live në RTSH 1 HD.
Në fund të kësaj ngjarjej muzikore me zëra të rinj nga më të bukurit, si dhe me ngjyra mahnitëse, juria shpalli fituese Viola Gjyzelin me këngën “Bota ime”. Ajo do të përfaqësojë Shqipërinë në Festivalin Evropian për të rinjtë që organizohet në Francë.
“Junior Fest 2023” u zhvillua tek Piramida e Tiranës, ku spektatorë, familjarë, por edhe qytetarë e vizitorë në kryeqytet patën mundësinë që t’i dëgjonin dhe shihnin nga afër zërat konkurrues të të rinjve, të cilët zhvilluan një garë të vërtetë muzikore duke mbajtur këdo në ankth deri në fund se cili do të ishte fituesi.
Juria e shpalli fituese Viola Gjyzelin si një nga zërat më premtues në skenat muzikore shqiptare. Kënga e saj “Bota ime”, ishte me muzikë nga Enis Mullaj, ndërsa teksti i shkruar nga Erion Rushiti.
Çmimi “Radio Tirana 2” shkoi për Nikol Çabelin.
Shumë të rinj të tjerë pjesëmarrës në garën “Junior Fest 2023” hapin një kapitull të ri në rrugëtimin e tyre në botën e artit, e konkretisht në fushën e muzikës.
