Pas një pushimi njëvjeçar, Ardit Gjebrea, producenti dhe themeluesi i festivalit të njohur “Kënga Magjike”, ka njoftuar rikthimin e tij në vitin 2024.
Ky lajmërim bëhet pas një periudhe të ndërprerjes, ku edicioni i fundit i festivalit përfundoi me fitoren e Marsela Çibukaj me këngën “I paftuar”. Kjo këngë u bë pjesë e historisë së festivalit, duke i dhënë një fund të veçantë edicionit nën drejtimin e Gjebreas i cili vendosi të mbyllte përfundimisht Këngën Magjike.
Megjithatë, në mbrëmjen e spektaklit të ndërrimit të viteve “Tele Bingo”, Gjebrea bëri të ditur rikthimin e festivalit, duke i dhënë fansave dhe artistëve një lajm të gëzueshëm për vitin që po vjen. Rikthimi i “Kënga Magjike” pritet të sjellë risi dhe emocione të reja në skenën muzikore, duke ruajtur traditën e një prej festivaleve më të dashura në vend.
