Moderatorja e njohur, Arbana Osmani është mjaft aktive në rrjetet sociale duke postuar momente të këndshme nga përditshmëria e saj.
Shpesh herë e kemi parë të postojë receta gatimi, video gazmore nga dy djemtë, Joni dhe Dielli apo edhe partnerin e saj, Eduart Grishaj.
Së fundmi, Arbana ka treguar se ka anulluar pushimet në Itali pasi djali i saj i vogël ishte sëmurë.
“Kishim planifikuar që këtë fundjavë të shkonim në Itali me fëmijët, por djali i vogël papritur u sëmurë dhe na u desh që ta anullonim’’, shkruan Arbana Osmani në ‘’InstaStory’’.
Ndër të tjera moderatorja ka treguar se në mënyrë që pronotimet të mos shkonim kot ka dërguar mamanë e saj, ku dhe ka postuar një video të saj nga Roma.
“Gjithësesi, dërguam një përfaqësues të denjë të bëjë qejf që të mos na shkonim dëm pronotimet’’, shkruan ajo.
Që pas përfundimit të “Big Brother”, familja ka pushuar, duke mbledhur energjitë përpara ardhjes në jetë të vajzës së tyre.
Pas Jonit dhe Diellit, këtë herë një vogëlushe do të mbërrijë në familje, ku me gjasa do të ketë një emër shqiptar. Nga ana tjetër, moderatorja u shpreh se do të qëndronte për disa kohë larg ekranit të madh, të paktën deri në startimin e “Big Brother Vip 2”.
Ashtu si vetë Arbana pranoi, edicioni i dytë do të nisë në fund të janarit. Deri atëherë Arbanën do ta shohim të fokusuar te familja e saj dhe misioni si nënë e re.
