Mbrëmjen e djeshme u zhvillua eventi më i madh i kulturës shqiptare. Mbrëmja gala e ndarjes së Çmimeve Kult për të dymbëdhjetin vit radhazi, shpall fitues personat më të mirë në fushën e artit. Evendi i madh u zhvillua në sallën e Koncerteve të Katedrales Ortodokse. Aktorë, këngëtarë, autorë librash, instrumentistë, balerinë e artistë të artit pamor dhe jo vetëm, përshkuan tapetin e kuq të Çmimeve Kult. Emra të shumtë të artit dhe kulturës shqiptare si: Irma Libohova, Rosela Gjylbegu, Marsela Çibukaj, Qëndrim Rijani, Zamira Kita, Sotiraq Bratko, Romir Zalla, Gentian Zenelaj, Armando Likaj, Rozi Kostani e shumë të tjerë ishin pjesë e eventit madhështor të ndarjes së Çmimeve Kult. Mbrëmja Gala u transmetua LIVE në Radio Televizionin Shqiptar, nën prezantimin e aktorit të njohur, sidomos për rolin e tij tek filmi “Beni ecën vetë” Erion Mustafaraj. Gjatë mbrëmjes u shpallën emrat e fitueseve të 12 kategorive mes të cilëve u nda edhe Çmimi Special, i cili shkoi për Petro Zhejin, për trilogjinë “Shqipja dhe sanskritishtja”.
Çmimi Libri Artistik i Vitit i shkoi autorit Parid Teferiçi me botimin me poezi “Largësi Ideale”.
Çmimi Libri i përkthyer i Vitit shkoi për Edit Dibra me Përkthimin e librit “Robinja” i Marcel Proust.
Ndërsa çmimin Libri Studimor i Vitit e fitoi Aurel Plasari me “Shqipëria Dhe Shqiptarët Në Europën E Piu Ii”.
Kënga më e Mirë e Vitit padyshim u shpall “Akoma Jo” e Aurela Gaçes.
Interpretuesi Lirik më i mirë i vitit u shpall soprano Eva Golemi me rolin e ‘Mimi’ tek “La Bohème”.
Merita Rexha, mori trofeun e Instrumentistit më të mirë të vitit 2015 me ‘Duo për piano dhe violinë’.
Çmimi Balerina e Vitit iu dha Adela Muçollarit me rolin e Sylphide tek shfaqja “La Sylphide”.
Shfaqja teatrale “Doktor Shuster” arriti të marrë tre trofe. Regjia e Vitit ju dha regjisorit të kësaj shfaqjeje Qëndrim Rijani, çmimi Aktorja më e mirë e vitit ju dha Zamira Kitës, me rolin e Rolin E Divna, Motra E Doktorit Tek “Doktor Shuster”, si dhe padyshim nuk mund të ndodhte ndryshe, çmimin aktori më i mirë i vitit ju dha Sotiraq Bratkos me rolin e “Doktor Shuster”.
Çmimin Artisti Pamor i Vitit e fitoi Lekë Tasi me Me Ekspozitën “Satirë Në Sheshin Skënderbej”.
Çmimi Special ju dha Petro Zhejit me triologjinë “Shqipja dhe sanskritishtja”. Këtë çmim e dha Administratori i Akademisë Kult, Ylli Sula. Çmimin për Petrit Zhejin e mori i biri i tij Artur Zheji, i cili u shoqërua nga i biri dhe e bija.
Akademia KULT solli për të dymbëdhjetin vit radhazi ceremoninë unike të ndarjes së çmimeve KULT, event ku u kurorëzuan me çmime më të mirët e vitit që lamë pas.
Që prej vitit 2005, Çmimet KULT janë shndërruar në një traditë unike dhe pikë e rëndësishme referimi në vlerësimin dhe promovimin e prurjeve kulturore dhe artistike më të arrira të vitit.
