Aktorja kosovare, Adriana Matoshi pranoi publikisht lidhjen e re të dashurisë duke shkaktuar ‘zhurmë’ në platformat online dhe rrjete sociale. Në një intervistë pak kohë më prë artistja zbuloi se po përjeton një romancë me futbollistin afrikan Keith i cili është ish-futbollist i klubit vendas, Feronikel.
Ndërkohë këtë periudhë ajo dhe partneri i saj 21 vjeçar kanë treguar se janë mjaft të lumtur në krahët e njëri tjetrit dhe kanë ndarë detaje nga romanca e tyre edhe në rrjete sociale, ndërkohë që nuk kanë qenë të pakta dhe rastet kur aktores i është dashur të përballet me paragjykimet.
Së fundi Matoshi ka shpërthyer ndaj një komentuesi lidhur pikërisht me romancën e saj.
“Njerëzit si disa nga komentuesit meritojnë të jetojnë si mjerana, qashtu qysh e kanë shpirtin! Dashuria nuk është veç seks o gubana, po ajo që juve ju mungon më së shumti, ajo që ju dhemb e përflitni! Mjer ju për shpirtrat e zi që i keni, qysh s’ju vjen turp prej Zotit? Zoti na ka krijuar, Zoti na gjykon, e juve Zoti shpirtrat e zi jua baftë të bardhë, se badihava që lëkurën e keni të bardhë e të zdralaftë deri në qiell! Faleminderit Dan për përkrahjen, ke qenë i drejtë gjithë e të pafsha gjithmonë kështu me zemër të madhe”, ka theksuar Adriana.
