Suedia eshte fituese e e dicionit te 60 te Eurovision Song Contest me kengen Heroes kenduar nga Mans Zelmerlow.
Shqiperia edhe pse nje nga me te pelqyerat nga sondazhet ka arritur te renditet e 17-a.
Kënga Hero është vlerësuar me 305 pikë nga 40 shtetet europiane, pasuar nga Rusia dhe Italia. Kënga I’m Alive e këngëtares Elhaida Dani, u rendit e 17-ta me 35 pike. Shqipëria nuk ka marrë pikë as nga vendet ballkanike apo ato fqinje, duke e braktisur kështu Elhaida Danin.
Italia e cila e shpalli këngëtaren shqiptare si zërin më të mirë këtë herë nuk i dha asaj asnjë pikë. Megjithatë kënga I’m Alive mbetet një nga këngët më të klikuara në You Tube dhe është një projekt muzikor që do të mbahet mend në këtë edicion të 60-të të Eurosong.
Pa dyshim që edhe këtë herë votimi ndoqi traditën gjeopolitike, duke mos renditur Shqipërinë as në dhjetëshe.
Ajo ç’ka përbën çudinë më të madhe është fakti që në këtë Eurovision nuk u llogaritën as votat e emigrantëve shqiptarë. Nëse më parë e “mbulonin” duke na dhënë tek-tuk ndonjë pikë, këtë herë vendet ku dihet që ka emigrantë shqiptarë na kanë dhënë 0 pikë duke çuar dëm të gjitha votat e shqiptarëve. Këmi parasysh këtu vende si Zvicra apo Italia të cilat na nxorrën pa pikë nga ky votim.
Shqipëria e mbylli këtë pjesëmarrje që u trumbetua aq fort për prezantimin dinjitoz dhe këngën fantastike, duke u renditur e 17-ta, në një kohë që të gjitha sondazhet dhe klikimet e nxirrnin Shqipërinë në krye.
