Perfaqesuesja e Shqiperise Elhaida Dani ka realizuar provën e dytë në skenën madhështore të Vienës.
Provat për Shqipërinë filluan në në orën 17.20 dhe vazhduan me konferencën e dytë për shtyp prej orës 18.20.
Në provat e para, të cilat ishin të martën pasdite, Elhaida kishte një veshje ngjyrë zi dhe tre vokalistet shoqëruese kishin një veshje ngjyrë të bardhë, por pas provës të së martës delegacioni Shqiptar ra dakortd se ngjyrat nuk i përshtateshin skenës dhe prandaj veshjet do të jenë të gjitha ngjyrë zi. Për look-un dhe stilimin kujdeset stilistja Miranda Dupi, ndërsa kostumi skenik i Elhaidës është i Valdrin Sahitit, i cili sapo ka nxjerrë koleksionin e tij të fundit.
Në gjysëmfinalen e parë e cila vjen të martën në orën 21.00 Shqipëria, do të garojë me numrin 14.
Eurovision Song Contest | Ja si të votoni për Elhaida Danin!
Kjo gjysëmfinale konsiderohet si një nga më të fortat përsa i përket konkurrencës, por megjithatë sipas gazetarëve të akredituar në Vienë, Shqipëria duhet që të arrijë në finale, sepse kënga është shumë cilësore dhe se zëri i Elhaidës, është një nga vokalet më të forta të Eurovizionit 2015.
IMA / Eurovision Albania
