Transmetuesi publik finlandez YLE ka reaguar ndaj vendimit të EBU për të lejuar Rusinë të marrë pjesë në Eurovision Song Contest 2022.
Drejtori i Njësisë së Përmbajtjes dhe Medias Kreative të YLE, Ville Vilé, tha:
– Sulmi i Rusisë ndaj Ukrainës është në kundërshtim me të gjitha vlerat që përfaqësojnë YLE dhe transmetuesit e tjerë evropianë. YLE mbron gjithmonë demokracinë perëndimore, shtetin e së drejtës, lirinë e shprehjes dhe dinjitetin njerëzor.
EBU tha të enjten se lufta nuk do të ndikojë në pjesëmarrjen e Rusisë ose Ukrainës në Eurovision Song Contest 2022 në maj, duke argumentuar se Eurovizioni është një “ngjarje kulturore jo-politike”.
YLE është gati të tërhiqet, nëse EBU nuk e ndryshon vendimin:
– YLE nuk mund të marrë pjesë në një ngjarje ku Rusia, e cila i ka sulmuar hapur këto vlera, mund të përdorë një nga markat më të njohura evropiane për të çuar përpara interesat e veta. Shpresoj që EBU do të veprojë në përputhje me vlerat e saj këtu.
Përfaqësuesja e Finlandës për Eurovision Song Contest 2022 do të zgjidhet nesër mbrëma në Uuden Musiikin Kilpailu 2022 (UMK 2022).
– UMK ka dhjetë vjet që prezanton me sukses muzikë të re vendase. Edhe këtë vit do të kemi disa këngë dhe artistë të mëdhenj në finale. Besoj dhe shpresoj që njëri prej tyre do të ketë mundësinë të performojë në maj për të gjithë Evropën, thotë Ville Vilén.
