Mbrëmjen e djeshme është mbajtur ceremonia e Grammys 2021, me Beyoncé-n që ka qenë protagonistja absolute e mbrëmjes, duke bërë edhe historinë e këtyre çmimeve. Kështu, artistja e famshme ka vendosur një rekord të ri në Grammy Awards, teksa bëhet e para artiste me plot 28 trofe. Diva e muzikës është tani zyrtarisht artistja me më shumë fitore në historinë e çmimeve të rëndësishme, duke kaluar edhe këngëtaren Alison Krauss.
Megjithatë Beyonce nuk ka qenë e vetmja fituese nga familja e saj në Grammys 2021, ndërsa e bija e këngëtares Blue Ivy Carter u bë fituesja e dytë më e vogël në historinë e Grammys, për punën në këngën “Brown Skin Girl”. Gjatë fjalimit të artistes, pas triumit rekord-thyes, ajo sigurisht foli edhe për vajzën, duke u shprehur shumë krenare për të:
“Jam shumë e emocionuar dhe e nderuar. Si artiste, mendoj se është puna ime dhe e ne të gjithëve që të reflektojmë herë pas here. Kemi kaluar periudhë të vështirë, prandaj unë dua t’ju inkurajoj dhe të festoj sonte për gjithë bukurinë e mbretëreshave dhe mbretërve me ngjyrë, të cilët vazhdojnë të më frymëzojnë mua dhe gjithë botën. E kam nisur punën time që kur kam qenë 9-vjeç, kam punuar gjatë gjithë jetës. E di që vajza ime po më ndjektani, 2 vajzat dhe djali im. Blue, urime! Ajo po ashtu fitoi një Grammy sot. Jam shumë krenare për ju dhe jam e nderuar të jem mamaja juaj.”
Ndërkohë, ishte një mbrëmje shumë e suksesshme edhe për Taylor Swift, e cila gjithashtu bëri historinë në ceremoninë e mbajtur në “Staples Center”, duke u bërë artistja e parë femër që ka fiton 3 herë “Albumin e Vitit”. Ajo triumfoi për punën me albumin “Folklore”. Një gjë e tillë kishte ndodhur më parë vetëm me tre artistë: Frank Sinatra, Paul Simon dhe Stevie Wonder.
Po ashtu edhe Dua Lipa ka arsye të festojë. Këngëtarja shqipare fitoi Gfammy-n për albumin më të mirë Pop, për punën e jashtëzakonshme me “Future Nostalgia”. Ky ishte çmimi i saj i vetëm në edicionin e 63-të të ceremonisë, megjithatë kujtojmë se në në 2018, Dua është shpallur fituese si artistja e re më e mirë dhe për incizimin më të mirë Dance.
“Faleminderit shumë, kjo është një çmenduri. ‘Future Nostalgia’ realisht më ka ndryshuar jetën në shumë mënyra, megjithatë një gjë që e kam kuptuar mirë është se sa e rëndësishme është lumturia. Në fund të albumit tim të parë mendoja se duhet të bëja muzikë të trishtë, për ndjenjat, por me këtë album është ndryshe dhe ju jam mirënjohëse pasi lumturia është diçka që të gjithë e meritojmë”,- tha shqiptarja në fjalimin e fitores.
Disa prej fituesëve kryesorë i gjeni më poshtë:
Albumi më i mirë pop – “Future Nostalgia”, Dua Lipa
Incizimi i vitit: “Everything I wanted”, Billie Eilish
Albumi i vitit – “Folklore”, Taylor Swift
Performanca më e mirë R&B – Beyonce “Black Parade”
Kënga më e mirë rap – “Savage” Megan Thee Stallion ft. Beyonce
Kënga e vitit – H.E.R. “I cant breathe”
Albumi më i mirë country – Miranda Lambert “Wildcard”
Kënga më e mirë country – “Crowded Table,” Brandi Carlile, Natalie Hemby & Lori McKenna (The Highwomen)
Performanca më e mirë country duo ose grup – “10,000 Hours,” Dan + Shay & Justin Bieber
Albumi më i mirë rrok – The New Abnormal, The Strokes
Kënga më e mirë rrok – “Stay High, Brittany Howard (Brittany Howard)
Performanca më e mirë rrok – “Shameika,” Fiona Apple
Albumi më i mirë rap – King’s Disease, Nas
Performanca më e mirë rap – “Savage,” Megan Thee Stallion feat. Beyoncé
Performanca më e mirë pop duo ose grup – “Rain on Me,” Lady Gaga and Ariana Grande
Albumi më i mirë R&B – Bigger Love, John Legend
Albumi më i mirë R&B progresive – It Is What It Is, Thundercat
Kënga më e mirë R&B – “Better Than I Imagine,” Robert Glasper, Meshell Ndegeocello & Gabriella Wilson (Robert Glasper Feat. H.E.R and Meshell Ndegeocello)
Performanca më e mirë R&B tradicionale – “Anything For You,” Ledisi
Albumi më i mirë alternativ – Fetch the Bolt Cutters, Fiona Apple
Videoklipi më i mirë – “Brown Skin Girl,” Beyoncé