Fillimi i formatit të ri “Në 1 Javë”, i cili rikthen në ekran Arbana Osmanin, ka qenë ditet e fundit nën vëmendjen e mediave rreth personazheve VIP që do të jenë pjesë. Edhe pse Top Channel vazhdon të na mbaj mbi gjëmba rreth cast-it, disa media online nga burime jo zyrtare kanë filluar të publikojnë disa prej emrave të personazheve të edicionit të parë të “Në 1 Javë”.
Jo pak javë më parë në mediat shqiptare u përfol pjesëmarrja e Adela Xhamanit të Big Brother 2 por jo më larg se dje ky lajm u pergenjeshtrua ekskluzivisht për InfoMedia Albania. Gjithashtu flitet se një tjetër konkurent do të jetë aktori i Portokalli Gaz Paja, këngëtarja Soni Malaj, Marsela Çibukaj, Hueyda El Saied, këngëtari Land Hysi dhe aktorja Olta Gixhari. Por megjithatë mbeten ende për t’u konfirmuar pasi ende nuk kemi një burim zyrtar nga produksioni, i cili po ruan hermetikisht çdo të re rreth programit.
Mendohet që ‘Në 1 javë’ të ketë premierën të shtunën e ardhshme, pas disa shtyerjeve të vazhdueshme për shkaqe të brendëshme organizative.
