Big Brother Vip në Kosovë është në prag të nisjes, ndërsa prej disa kohësh është konfirmuar se prezantues i spektaklit të njohur do të jetë Alaudin Hamiti. Ky i fundit ka zbuluar pak kohë më parë edhe pak nga dizajni i shtëpisë, ndërkohë që pjesa tjetër e informacioneve që vijnë nga “reality” atje, janë ende në kuadër të thashethemeve të rastit.
Megjithatë, duket se pjesë e programit do të jetë edhe Jonida Vokshi. Aktorja dhe moderatorja ka postuar ditën e djeshme në InstStory-n e saj një “thirrje” që ka marrë nga Big Brother, duke përmendur në këtë postim pikërisht Big Brother Kosova, por duke mos dhënë asnjë tjetër shpjegim.
Normalisht, mund të lindin edhe pyetje të tipit, po sikur të jetë banore e re ose opinioniste? Duke marrë parasysh formatin dhe mënyrën si organizohet Big Brother, banorët nuk bëhen të ditur deri në nisjen e spektaklit, pra askush nuk mund të konfirmojë paraprakisht që do të jetë pjesë, të paktën publikisht, dhe e njejta gjë zakonisht ndodh edhe me opinionistët, edhe pse këta të fundit edhe mund të bëhen të ditur më parë, varet nga produksioni.
