Edhe pse ka dy muaj që ka mbyllur suksesshëm edcionin e 16-të, parapërgatitjet për edicionin e ri të festivalit Kënga Magjike kanë filluar të marrin formë. Një ndër festivalet më të ndjekur muzikor në edicionin e ri do të bëj një hap përpara në cilësi duke integruar kështu interpretimin e këngëve nga artistët “Live”. Lajmin e ka bërë të ditur vetë producenti dhe moderatori Ardit Gjebrea në emisionin e “Diela Shqiptare”. Me sa duket ka ardhur momenti kur vetë produksioni e ka kuptuar se publiku është lodhur nga interpretimi i këngëve me supozim, i cili nga viti në vit kishte zbehur magjinë e këtij festivali. Por nga ana tjetër kjo lëvizje nënkupton edhe performanca më të dobta, duke pasur parasysh numrat e spektaklit dhe nivelin e artistëve pjesëmarrës për të cilët nuk mund të mburremi se kanë vlera të larta kanore. Të shumta kanë qenë diskutimet në rrjetet sociale pas publikimit të lajmit drejtuar producentit Gjebrea, i cili për hir të së vërtetës, vazhdimisht ka deklaruar se Kënga Magjike nuk do të realizohej asnjëherë live, se ky festival ishte festival i performancës dhe spektaklit. Por a do ketë më performanca të bukura në Kënga Magjike? A do dëgjojmë më këngë të bukura? A do dëgjojmë vokale të mira? A do ketë artistë të rinjë që do përballen me emocionet e live-it? Këto dhe shume pyetje mbeten ende pa përgjigje deri sa të startoj Kënga Magjike 2015 në muajn dhjetor në Palltin e Kongreseve. Për ata që e duan muzikën live, Top Fest 12 fillon nga data 9 Shkurt në ekranin e Top Channel, me interpretimin live të çdo këngëtari që do të ngjitet në skenën e këtij festivali.
IMA / G. Qerimi
