Gara për festivalin e Këngës Magjike, tani po numëron orët. Edicioni i 15-të i saj nis siparin nesër, në datë 28 Nëntor me natën e parë gjysëmfinale, për të vijuar më pas në datat 29 dhe finalja e madhe në daten 30 Nëntor, në Pallatin e Kongreseve. Ky edicion do të sjellë në skenë zëra të rinj dhe do të rikthejë zëra te cilat i kanë munguar kohët e fundit festivaleve.
Ndryshe nga edicionet e tjera, këtë vit moderatori Ardit Gjebrea nuk do të kete përkrah dy femra bukuroshe, por dy djem shumë simpatik dhe të pëlqyer për publikun e gjërë. Ata do të jenë dy aktorë humori, bëhët fjalë për Ermal Mamaqin dhe Ervin Bejleri, të cilët do ta ndryshojnë rrjedhën e festivalit me batutat e tyre. Ajo çfarë nuk ka ndryshuar është përcaktimi i fituesit. Edhe këtë vit ai do të zgjidhet nga votat e artistëve, duke votuar për njëri-tjetrin. Nga ky votim do të përzgjidhen 20 finalistët e natës së finale. Me të mirat apo të këqijat e veta ky lloj votimi ka rezultuar efikas në përcaktimin e fituesit.
Këngëtarët e natës së parë janë:
- THE CODE
- EGZONA ft. STRING STRING
- LIND ISLAMI
- ERJON BECI
- RUDINA DELIA ft. KITIO
- SARDI
- XHEJSI JORGAQI & ÇARTANI
- ENTELA ZHULA
- KSAL
- DEVIS XHERAHU
- LYNX
- XHOI
- DORINA TIKO
- GJERGJ LEKA
- ADELINA THAQI
- ERA RUSI ft. GBMC
- MARIZA IKONOMI
- RONELA HAJATI
- MIHRIJE BRAHA
- BOJKEN LAKO BAND
- BESA
- ENDRI & STEFI ft. CRAZY BAN
Përgatiti për IMA / I. Loshi
