Vesa Luma, e njohur për zërin e saj të veçantë dhe praninë karizmatike në skenën muzikore shqiptare, u befasua gjatë pjesëmarrjes së saj në emisionin “S’e Luan Topi”. Këngëtarja rrëfeu një histori të ëmbël nga fillimet e marrëdhënies së saj me reperin Big Basta, të cilin e përshkruan si një person të veçantë që ka ditur të bëjë për vete me gjeste të thjeshta dhe të vëmendshme.
Në një rrëfim të përzemërt, Vesa tregoi se si Big Basta, për ta bërë për vete, i kishte ofruar njëherë fasule të gatuar nga nëna e tij, duke i thënë se ishte shqetësuar për shëndetin e saj. “Ky qenka djalë më ndryshe”, kishte qenë komenti i saj pasi provoi gatimin dhe vlerësoi vëmendjen e tij.
Gjatë intervistës, Vesa u surprizua me lule të dërguara nga Big Basta, dhe situata mori një kthesë të papritur kur moderatorja sugjeroi se Bigu do të ishte në studio, por një lëndim i këmbës e kishte penguar atë. Kjo e bëri Vesën të shqetësohej dhe të qante, duke kërkuar të largohej nga intervista.
Surpriza kulmoi kur Big Basta u shfaq në studio, duke e surprizuar Vesën me një përqafim të ngrohtë. Kjo gjest e emocionoi dhe më tej Vesën, e cila me shaka i tha se ishte e lumtur që ai nuk e kishte lënduar vërtet këmbën, pasi përndryshe do t’i duhej të qëndronte në shtëpi për t’i dhënë ndihmë. Ky moment i veçantë tregoi lidhjen e fortë dhe të ëmbël mes dy artistëve, duke i bërë edhe më të dashur për publikun e tyre.
