Lumbardh Salihu, ish-futbollisti me origjinë nga Vitia, është shpallur fitues i edicionit të dytë të “Big Brother VIP Kosova”. Ai triumfoi ndaj tre konkurrentëve të tjerë në finale, duke u shpallur banori më i votuar nga publiku. Salihu la pas këngëtarin Blerando, i cili u rendit i dyti, ndërsa Shqipe Hysenaj dhe transgjinorja Edona James zënë vendin e tretë dhe të katërt përkatësisht.
Momenti i shpalljes së fituesit u shoqërua me ovacione dhe brohoritje nga fansat e tij, të cilët e mbështetën pa rezerva gjatë gjithë rrugëtimit të tij në shtëpinë e “Big Brother VIP Kosova”. Salihu u dallua gjatë qëndrimit të tij për kulturën dhe edukatën e tij, duke u bërë shpesh pjesë e situatave humoristike dhe debatit me banorët e tjerë.
Në fund të mbrëmjes finale, si traditë e fundit e fituesit, Lumbardhi i fiku të gjitha dritat e shtëpisë, duke i dhënë fund edicionit të dytë të spektaklit të madh në Kosovë.
