Këngëtarja Xhensila Myrtezaj ka dalë kundër akuzave dhe gënjeshtrave që qarkullojnë në rrjetet sociale, duke paralajmëruar përdoruesit që përhapin informacione të pavërteta për të. Në një postim të fundit në Instastory, Myrtezaj shprehet se nuk do të tolerojë më sulme dhe shpifje ndaj saj dhe se nga këtu e tutje, çdo gënjeshtër e bërë publikisht kundër saj do të ketë pasoja juridike.
Xhensila shprehet e mërzitur nga përhapja e videove dhe thashethemeve nga individë që përdorin situata të ndjeshme mediatike për të ngritur intrigat e tyre, duke baltosur emrin e saj pa asnjë bazë reale. Myrtezaj bën me dije se ka marrë vendimin të ndërhyjë ligjërisht për të mbrojtur integritetin dhe reputacionin e saj.
Ky veprim vjen si një sinjal i qartë për të gjithë ata që përdorin platformën e rrjeteve sociale për të përhapur lajme të rreme dhe të dëmshme, duke u treguar se gënjeshtrat dhe shpifjet nuk do të lihen pa u ndëshkuar. Këngëtarja thekson se ka mbetur e heshtur për shumë vite ndaj sulmeve të tilla, por tani ka vendosur të marrë masat e duhura për të mbrojtur veten dhe familjen e saj nga dëmtimi i mëtejshëm.
Statusi:
Sapo me nisen nje video qe nje monster Tik-toku me fantazin me te shthurrur ka baltisur emrin tim, me njerez qe nuk i njohe, e as emrin s’ja u kam degjuar kurr. Pler qe perdor nje moment delikat mediatik, per te thurrur intrigat, dhe genjeshtrat e tua. Eshte perbaltur shume emri im per shume vite por kam heshtur. Nga ky moment do mbani pergjegjsi jurdike per c’do shpifje.
