Tashmë prej muajsh të tërë ekrani i “Albanian Screen” gjendet në një krizë financiare, e cila e ka paralizuar atë në çdo departament, duke e kthyer në një televizion gati – gati inekzistent për publikun shqiptar. Grupi “Taçi Oil” ka ndaluar çdo investim në këtë kanal, dhe kjo ka sjell një krizë të paevokueshme, e cila pasoi nga një pushim spektakolar nga puna të stafit të televizionit dhe gazetarëve. Të gjithë kanë ikur në kërkim të horizonteve të reja televizive në karrierën e tyre.
Megjithatë ka shpresë, “Albanian Screen” mund të bëhet si më parë, nuk do të gabonim po të shpresonim edhe për më mirë, pasi kemi informacione se një kompani prestigjoze është e interesuar ta blej, për të sjell sërish një ndryshim. Bëhet fjalë për kompaninë turke “Kurum Holding”, e cila është e gatshme të vërë dorë, për të ringritur sërish prestigjin e humbur të “Albanian Screen” apo siç e kemi njohur që në fillim si “RTV Alsat”. “Kurum Holding” mund të bëhet shumë shpejt pronari i ri i këtij kanali, me shpresën për ta rikthyer sërish atë tek publiku, të humbur deri më sot në një errësirë të jashtëzakonshme.
“Kurum Holding” operon në tregun shqiptar me bizneset e çelikut, me kompaninë “Kurum Steel” dhe është e njohur shumë mirë nga një pjesë e madhe e shqiptarëve. Natyrisht është një sfidë ndryshimi rrënjësor i “Albanian Scrren”, megjithatë t’ia lëm kohës nëse do të arrihet të bëhet diçka. “Albanian Screen” ka qenë nën pronësi të investitorit shqiptaro-maqedonas, Vehbi Veliaj, i cili operonte me këtë kanal nën emrin “Alsat” me një programacion statik lajme – dokumentar, mirëpo pas vdekjes së tij, djemt preferuan të shesin versionin e “Alsat” këtu në Shqipëri tek biznesmeni shqiptar Rezart Taçi. Ky i fundi nga marsi 2011 e kaloi atë në një kanal gjeneralist dhe me një emër tjetër, “Albanian Screen”. Por suksesi nuk shkoi gjatë, brenda pak vitesh u rrëzua në një krizë tejet të thellë financiare.
IMA / S. Dema
Ende nuk kane arritur ne finalizim te shitjes, por 99% i shitur eshte. Kurum ka per qellim te krijoje nje televizion model me imazh perendimor. Kurumi ka qene pronar i ATV Turkey, nje kanal teper i suksesshem turk.