Moderatori Ledion Liço dhe nje nga trashegimtaret e Top Medias Lori Hoxha kanë qenë mbrëmjen e së dielës të pranishëm në MTV Europe Music Awards 2015 që u mbajt në Milano. Përveçse kanë shijuar mbrëmjen prania e tyre nuk ka qenë e rastësishme. Autori dhe producentja e Top Fest 12, i cili ishte edhe edicioni i fundit i këtij festivali, prej muajsh janë duke punuar për eventin që nga viti i ardhshëm do të vlerësoj më të mirët e muzikës shqiptare. I lajmëruar edhe kohë më parë ceremonia e çmimeve do quhet Top Awards dhe ashtu siç pati premtuar Lori Hoxha ngjarja do të jetë e ngjashme në organizim me eventet ndëkombëtare. Dhe teksa kanë ndarë me publikun e tyre në rrjetet sociale foto nga MTV EMA, Ledion Liço ka shkruar në profilin e tij në instagram “Duke mbledhur ide për Top Awards”.
Nëse deri më sot “Top Fest” ishte festivali më i ndjekur i muzikës moderne shqiptare, Top Awards pritet të na surprizojë edhe më shumë. Por a do t’ia arrijnë qëllimin dy të rinjt për të sjellë një event të përmasave si MTV EMA? Premisat janë të mëdha duke qënë se puna ka nisur fill pas mbarimit të Top Festit të fundit dhe sipas fjalës popullore “Fillimi i mbarë është gjysma e punës”, dhe padyshim që organizatorët po na e tregojnë se po bëjnë më të mirën për të arritur qëllimin.
