Pas shumë vitesh së bashku, Marina Vjollca dhe Getoar Selimi mund të bëhen prindër për herë të parë. Themi ‘mund’ pasi dyshimet kanë nisur dhe nga fotoja e fundit e Marinës në Instagram, ku ajo shfaqet e veshur me një fustan të gjerë. Aludimet e shtatzënisë janë përforcuar akoma më shumë nga gazetari Eraldo Rexho.
Në një intervistë për “Pushimet on Top”, ai ka zbuluar se në kopertinën e Shtatorit të “Revista Who” do të jetë një personazh që pret të bëhet mami.
Rexho nuk e ka treguar emrin, por ka shtuar se bëhet fjalë për një bjonde, i shoqi i së cilës është po ashtu i famshëm. Mbetet të presim nëse kjo është e vërtetë apo jo.
“Do të kemi në kopertinë një personazh që pret të bëhet mami. Nuk mund të them dot më shumë derisa të vijë momenti i kopertinës. Është bjonde”, është shprehur gazetari.
