Dita e sotme është mjaft speciale në familjen Meta, teksa Presidenti i Shqipërisë feston datëlindjen e tij. Sigurisht urimet për të në rrjetet sociale, nga kolegët politikanë, miqtë dhe bashkëpunëtorët nuk kanë munguar, megjithatë fjalët që kanë emocionuar më shumë në datëlidjen e 52-të të Presidentit Meta, janë ato që i ka dedikuar bashkëshortja e tij, kryetarja e LSI, Monika Kryemadhi. Ajo ka zgjedhur që urimin për partnerin e saj prej 27 vitesh ta bëjë në rrjetet sociale, bashkangjitur një fotoje, ku shfaqet duke e puthur Metën në një prej udhëtimeve të tyre.
Ndër të tjera kryetarja e Lëvizjes Socialiste për Integrim thotë se për këto vite që kanë bashkë, një urim në rrjetet sociale është shumë adoleshent, ndërsa shprehet se dashuria tyre gjatë gjithë kësaj kohe ka qenë njësoj si dita e parë që janë puthur. Kryemadhi, në këtë ditë ku sipas saj nis pranvera, i uron bashkëshortit të saj, atij që ja ka bërë jetën tepër të bukur, por edhe tepër sfiduese, jetë të gjatë dhe të jetë pikërisht ashtu si ka emrin, i lirë. Po ashtu ajo nuk harron të përmendë edhe dhuratën më të bukur që ata e ndajnë bashkë, fëmijët e tyre dhe familjen që kanë krijuar. Në fund, ajo i thotë Metës se e do, si një adoleshente e dashuruar përjetësisht.
View this post on InstagramADVERTISEMENT
E ku më mirë se në datëlindjen e Presidentit, Kryemadhi shfaq një anë të saj, por edhe historisë së tyre të dashurisë që nuk shihet shpesh nga njerëzit, por që mesa duket është më e fortë se kurrë.
