Ka ndërruar jetë në moshën 59-vjecare, reperi i hitit të famshëm “Gangsta’s Paradise”, Coolio. Artisti u gjet pa ndjenja në shtëpinë e një miku të tij ditën e djeshme, teksa kishte shkuar thjeshtë për vizitë.
Sipas menaxherit të tij, Jarez, Coolio shkoi në tualetin e shtëpisë së mikut të tij, teksa miqtë e tij vunë re se u vonua shumë dhe shkuan ta thërrasin. Pasi ai nuk ju përgjigj thirrjeve, ata hynë brenda dhe e gjetën të shtrirsë në dyshmeve. Më pas Policia mbërriti në shtëpinë në Los Angelesnëoren 16:00 dhe e shpallën të vdekur.
Burimet e zbatimit të ligjit kanë thënë për TMZ se nuk u gjet asnjë drogë në skenën e vdekjes së artistit, megjithatë një autopsi dhe test toksikologjik do të përdoren për të përcaktuar shkakun zyrtar të vdekjes së tij. Sipas personave të tij të afërt, shkaku kryesor i dyshuar deri më tani është arresti kardiak.
Coolio, emri i vërtetë i të cilit është Artis Leon Ivey Jr. , doli në skenën e repit amerikan në fund të viteve 80, por shpërtheu ndërkombëtarisht në vitin 1995 kur publikoi “Gangsta’s Paradise” , me pjesëmarrjen edhe të Michelle Pfeiffer dhe që shërbeu edhe si kolonë zanore të një filmi të aktores. Kënga arriti në numrin 1 në chart-et amerikane dhe kryesoi për 3 javë, ndërsa dëgjohet edhe sot si ditën e parë.
