Alfio Rrotani dhe Fatma Methasani pas disa javësh thashetheme nëpër portale e rrjete sociale, konfirmuan ndarjen e tyre në fundin e vitit të shkruar. Kështu, dy vite pasi u bënë prindër dhe sigurisht pas disa vitesh lidhje, ata vendosëm t’i jepnin fund marrëdhënies, ndërsa ishte chef-i i njohur që bëri me dije gjithçka me anë të një deklarate.
“Të dashur familjarë, shok dhe ndjekës. Ndjehem në detyrë dhe i obliguar moralisht të sqaroj disa lajme që kanë qarkulluar së fundmi për sa i përket jetës time personale. Unë dhe Fatma nuk jemi më së bashku nga pothuajse një vit, motivet janë shumë personale dhe individuale, nuk kanë të bëjnë absolutisht me tradhti ose rrethana të tjera që qarkullojnë në rrjet. Dëshiroj që të kemi privatësinë tonë për të preservuar raportin tonë në harmoni dhe për të mirën e djalit të mrekullueshëm që kemi. Pasi këto publikime mund të ndikojnë jo vetëm në jetën time private edhe profesionale por edhe të rrethit tim dhe familjes sime. Unë po ju drejtohem me këtë kërkesë e lidhur ngushtë me mirëkuptimin tuaj që do të vlerësoja jashtë mase. Ju falenderoj nga zemra për kohën”- shkruante Rrotani disa muaj më parë.
Ndërkohë tani është Fatma që ka thyer heshtjen pas ndarjes së bujshme, duke vënë në fokus marrëdhënien që të dy ata kanë me djalin e tyre. Në një intervistë për “Revista Bordo” ndër të tjera, sa i takon bashkë-prindërimit në këtë moment Methasani tha:
“Ajo çfarë dihet është që Alfio dhe unë jemi prindër të Noahs, ai është dielli i ditëve tona. Para syve të bukur të Noahs, ne jemi dy prindër që e tejmbushim me dashuri dhe respektojmë njëri-tjetrin.”
