Ndryshe nga vitet e tjera, këtë edicion të Festivalit të Këngës në RTSH ka munguar i ftuari ndërkombëtar. U përfol shumë për fituesen në garë të ESC 2014, Conchita por për shkak të angazhimeve të saj ajo e pati të pamundur ardhjen në Shqipëri. E megjithate stafi organizator menjëherë e gjeti zëvendësuesin. Ditë më parë në IMA ju zbuluam edhe emrin e të ftuarit special. Bëhej fjalë për fituesin e Eurovison Song Contest në vitin 2009 Aleksander Rybak, i njohur ndryshe edhe si djali me violinë, i cili mahniti publikun europian me këngën “Fairytale”. E ndërkohë, që të gjithë në Pallatin e Kongreseve dhe teleshikuesit në përfundim të 18 këngëve në gare prisnin të degjonin zërin e shijonin performancën e këngëtarit Aleksander Rybak, në festival as që u pëmend mungesa e tij.
Fituesi i Erovision Song Contest kishte konfirmuar ditë më parë prezencën e tij në Fest 53 por në momentin e fundit duket se diçka ka shkuar siç ishte parashikuar. Këngëtari ka publikuar në faqen e tij në facebook një status ku me keqardhje informon të gjithë fansat, përfshirë këtu edhe ata shqiptar se vizita e tij në Shqiperi ishte anulluar, kjo për mosmarrëveshje midis tij dhe stafit organizativ të RTSH për arsye që e detyronin atë të bënte diçka jashtë natyrës se tij artiske në performancën në skenë.
