Është koha për të uruar Pippa Middleton dhe bashkëshortin e saj, James Matthews pasi janë bërë prindër për herë të dytë. Një burim pranë familjes tha se Pippa ka sjellë në jetë një vajzë, të hënën, më 15 mars, ndërsa raportohet se gjithçka ka shkuar shumë mirë dhe ato gëzojnë shëndet të plotë. Çifti ka zgjedhur si emër për vogëlushen Grace Elizabeth Jane, gjë që shumë persona e kanë marrë si një tribut ndaj Mbretëreshës Elizabeth, megjithatë kjo ka pak gjasa të jetë e vërtetë, duke qenë se vetë ajo dhe e motra, Kate Middleton, kanë po të njejtin emër të dytë. Që do të thotë se Pippa thjesht ka vazhduar traditën familjare.
Motra e Dukeshës së Cambridge në fakt është shumë e fshehtë për jetën e saj private dhe familjen. Pippa u përfol se ishte në pritje të ëmbël vetëm në fundin e 2020-ës, ndërkohë që lajmi u konfirmua me nisjen e këtij viti, por nuk dihej se kur do të sillte në jetë fëmijën. Tashmë prindërit e dukeshës Kate kanë 5 nipa e mbesa, ndërsa Grace është kushërira e dytë për fëmijët e Kate dhe Princit William, Princi George, Princesha Charlotte dhe Princi Louis.
Pippa, 37 vjeç dhe motra e saj, 39, kanë një lidhje shumë të ngushtë, ndërsa ndajne të njejtën marrëdhënie edhe me vëllain, James Middleton, i cili këtë vit kishte parashkuar të martohej me të fejuarën, Alizee Thevent, por ceremonia u shty për shkak të pandemisë.
