Klea Huta është një nga emrat më të njohur në showbizin shqiptar. Prej shumë vitesh atë jemi mësuar ta shikojmë në televizor, nga roli i moderatores tek këndimi. Mirëpo së fundmi Huta ka zbuluar se cila është puna që i jep më shumë kënaqësi. Në një intervistë për “ABC-ja e Mëngjesit” moderatorja u shpreh se mëmësia është profesioni më i bukur në jetë.
“Nga këto punët që bëj më shumë kënaqësi më jep Kridi. Është profesioni më i mirë në botë. Më ka ndikuar 100% që kur jam bërë nënë. Më ka mësuar shumë. Jam rritur. Është fëmija i parë që më dha emrin nënë. Ne bëjmë një rrugë të dy. Unë e edukoj, e rris dhe një nga ndihmesat më të mira është mami im, pa të nuk do bëja dot asnjë nga këto punë.
Kridi edhe më ka rritur dhe më ka bërë të jem një njeri më të mirë. Unë kam qenë gjithmonë njeri shumë i mirë, po ai më ka bërë edhe më të mirë”-tregoi Klea.
Pyetjes se cilit i ngjan më shumë Kridi, asaj apo Elgit Dodës, moderatorja u shpreh:
“Është miks, bën një veprim më ngjan mua, bën një tjetër Gitit. 90% nga unë ngjan, djemtë ngjajnë më shumë nga nëna, kur të bëj gocën do t’i ngjaj atij.”
Kujtojmë që Elgit Doda dhe Klea Huta u martuan në fshehtësi të plotë në fillim të 2020. Ata e bënë publike në Instagram me disa pamje të shkëputura nga seti fotografik i realizuar në Marrakech. Ndërkohë po atë vit ata u bënë prindër për herë të parë të një djali, Kridit.
