PriFest hapi zyrtarisht sot aplikacionin online për pranimin e filmav për edicionin e 9të të festivalit që do të ndodh në datat 20-27 Prill, 2017, në Prishtinë, kryeqytetin e Kosovës.
PriFest pranon filmat artistik të metrazhit të gjatë në kategoritë konkurruese: Programi i filmit Europian dhe Programi i filmit Ballkanik (Mjaltë dhe Gjak) si dhe filmat e metrazhit të mesëm – Programi Konkurues Medium Length (25-60 min) i hapur për filmat nga mbarë bota. Por që nga ky edicioni, PriFest do të ketë edhe një kategori konkurruese atë të filmave dokumentarë poashtu të hapur për filmat nga mbarë bota.
Drejtori Artistik I festivalit, Fatos Berisha, njëherit përgjegjës për programin e festivalit tha: “- Ne e kemi programin jo-garues të filmave dokumentarë tanimë qe 6 vite dhe jemi shumë të kënaqur me kualitetin e filmave dhe numrin e aplikacioneve që e marrim cdo vit. Por cdo vit poashtu na bëhet e njejta pyetje nga pjesëmarrësit se përse ky program nuk është garues. Andaj këtë vit, duke parë interesimin e madh dhe titujt që i kemi pranuar, vendosëm që edhe këtë program ta bëjmë garues. Ky është edhe një hap që tregon se festivali po rritet cdo vit dhe poashtu lidhet direkt me objektivat që PriFest synon të arrijë si institucion I pavarur i kulturës në Kosovë.”
Aplikacioni do të jetë i hapur deri më 24 Shkurt 2017 dhe cdo gjë rreth aplikimit kryhet online në webfaqen e PriFest www.prifest.org .
