“Qesh Mirë… Kush Qesh i Fundit” është ky formati më i ri që do të nisë në Top Channel duke filluar nga 8 Marsi në Prime Time.
Kur u fol për spektaklin më të ri të humorit në Top të gjithë u bëmë kurioz të mësonim më shumë rreth këtij formati i cili përveçse rikthente prezantuesen e njohur Xhemi Shehu pritej të ishte edhe një risi e sezonit. Por mesa duket ky format televiziv nuk është gjë tjetër veçse një kopje e formatit të njohur ndërkombëtar “LOL: Last One Laughing“. Një produksion i Amazon Prime që është përshtatur në Japoni, Meksikë, Australi, Itali, Iran, Gjermani, Spanjë, Francë, Indi, Brazil dhe Kanada.
Dhjetë konkurrentë e gjejnë veten për disa orë (zakonisht gjashtë) në një dhomë, në të cilën ata duhet të përpiqen të bëjnë kundërshtarët e tyre për të qeshur në çdo mënyrë dhe me çdo mjet: në të qeshurën e parë, konkurrenti paralajmërohet ndërsa në të dytën detyrohet të braktisë lojën. Mënyra e vetme për të komunikuar me jashtë është një telefon i kontrolluar nga përcjellësi.
Versioni origjinal është ai japonez i realizuar në vitin 2016, me titull Hitoshi Matsumoto Presents Documental dhe moderuar nga Hitoshi Matsumoto.
Në promon e formatit që do të vijë në Top Channel do të jenë dhjetë aktorë humori të mbyllur në një shtëpi-teatër për 14 orë rresht. Qëllimi i secilit lojtar është që të bëjë të tjerët të qeshin me çdo mjet: shaka, batuta, rekuizita, monologje. Qëllimi i të gjithëve është që të rezistojnë pa qeshur!
Versioni shqiptar, që ende nuk dihet a është blerë si patentë pasi Top Channel nuk ka dhënë asnjë detaj sikurse ndodh për formatet e blera, do të drejtohet nga Salsano dhe Xhemi Shehu në 8 episode. Do të transmetohet çdo të martë, nga data 8 mars, ora 21:00.