Për herë të parë RTSH do të transmetojë në 5 gjuhë të ndryshme për 5 pakica kombëtare në vend. Prej muajsh ka nisur transmetimi i edicioneve informative në dy gjuhë të tjera veç shqipes, për pakicat greke dhe serbe. Por nga 25 shtatori një hapësirë do tu kushtohet dhe tre minoriteteve të tjera në vendin tonë, me risi gjuhën rome, ç’ka e bën RTSH të vetmin televizion që transmeton për këtë komunitet në gjuhën e tij.
“Prej disa muajsh RTSH, praktisht në kanalin e saj të ri RTSH2, ka nisur transmetimin në gjuhën serbe dhe greke. Ndërsa më 25 shtator është një ditë krejt e veçantë, pasi nismës i bashkohen edhe tre minoritete të tjera, përkatësisht minoriteti vlleh, rom dhe ai maqedonas” tha Yllka Gjollesha drejtuese e RTSH2.
Gjithçka vjen falë përkushtimit të këtij institucioni për ti dhënë këtyre 5 pakicave një zë publik në media.”Kjo është një risi e RTSH, pasi minoritetet nuk kanë patur rëndësinë e duhur në media ndër vite. Sigurisht kjo vemendje duket qartë që është rikhyer edhe nga ana e shtetit shqiptar, duke krijuar një legjislacioni të ri që pritet të miratohet në parlamentin shqiptar” tha zonja Yllka Gjollesha.
Por pakicat nuk do të përfaqësohen vetëm me edicionet informative në kanalin e RTSH 2. “Ne si media synojmë ta kthejmë këtë hapsirë televizive në shërbim të minoriteteve, që ata të kenë në dispozicion jë vetëm transmetimin e lajmeve në gjuhët e tyre, por duke e çuar atë përpara me krijimin e emisioneve posaçërisht për minoriteteve” shtoi zonja Gjollesha.
Falë bashkëpunimit të RTSH me institucionet shtetërore, pakicat dhe organizatat e ndryshme, ky kanal synon të kthehet në një adresë për pakicat kombëtare në vend. “Synimi i krijimit të një redaksie që do u përkasi vetëm gazetarëve të minoriteteve në RTSH” tha drejtuesja e RTSH2 Ylla GJollesha.
Do të jetë një orar i caktuar ku çdo minoritet do të gjejë veten duke nisur nga ora 17 me minoritetin maqedonas ku përkatësisht do të keni mundësi të ndiqni edicionin informativ dhe një pjesë të dedikuar për ketë pakicë dhe për të vijuar më pas në orën 17 e 30 me minoritetin rom, në orën 18 e 30 lajmet në gjuhën greke, në orën 19 lajmet në gjuhen serbe dhe në orën 19 e 30 një programacioni kushtuar minoritetit vlleh.
https://youtu.be/jDYiqF3JaFs
