Një ditë më parë vërshuan në mediat on line lajmet se një ndër moderatoret më të njohura të ekraneve shqiptare, Rudina Magjistari, do të bëhej së shpejti nënë. Lajmi mori dhenë dhe u përhap shpejt kudo. Thuhej që nuk ishte një konfirmim i vetë prezantueses, por i një njeriu shumë të afërm i saj.
Ditën e sotme ka reaguar vetë Rudina Magjistari në profilin e saj zyrtar në Facebook duke mohuar kategorikisht se është shtatëzënë. Përmes një statusi ajo ka reaguar në një mënyrë krejt të tërthortë duke ironizuar me lajmin e pavërtetë. Dhe ja çfarë konkretisht shpreh ajo për fansat e saj: “Unë tani e mora vesh ç’qenka bërë sot. Po si nuk u lodhën me thashetheme këta njerëz? Dhe si gjithmonë, gazetat e marrin vesh para të zotit. Madje, madje edhe para se të ndodhë. Ç’muhabet!”
Ky ishte reagimi i Rudinës, përderisa këtë vit personazhe të tjerë të ekranit janë në pritje të fëmijëve të tyre. Ndër to mund të përmendim Arbana Osmanin dhe Xhemi Shehun. E para tashmë është tërhequr nga televizioni për një periudhë të pacaktuar kohe. Përsa i përket Xhemit, ajo pret fëmijën e saj të dytë, por bëhet e ditur se do të jetë në fillimin e sezonit të ri të “E Diell”.
IMA / S. Dema