Duke filluar nga 30 nëntori tregut mediatik shqiptar do i shtohet një tjetër televizion gjeneralist.
Bëhet fjalë për një emër jo të pa dëgjuar në median shqiptare, i cili nga shtypi i shkruar tashmë do t’i jap jetë televizionit më të ri në vend Tema TV. Pjesë e Gazetës Tema me botues Mero Baze, Tema TV do të jetë një televizion me program gjeneralist, ku nuk do të mungojnë lajmet, formatet e reja televizive, serialet, filmat dhe fytyra të njohura të ekranit shqiptar. I nisur si një projekt online me Tema Web Tv, i cili prej gati 2 vitesh nëpërmjet portalit të gazetës transmetonte kronika dhe disa programe me drejtuesin Mero Baze, duke filluar nga e hëna e 30 nëntorit do të nis udhëtimin në transmetim dixhital dhe online 24 televizioni më i ri nën sloganin “Tema Juaj”. Me një vizion të qartë, të mbështetur në një teknologji të avancuar dhe profesionalizëm Tema Tv do të jetë një dritare e re në median shqiptare me një buqetë të zgjedhur programesh për të kënaqur shijet e çdo grup moshe.
Të zbulojmë disa prej titujve që do të jenë pjesë e programacionit.
Zululand
Gazetari i njohur Mustafa Nano i është bashkuar televizionit më të ri ku do të drejtojë programin Zululand. Një emision që analizon aktualitetin dhe politikën me të ftuar emra të njohur të politikës, artit dhe kulturës shqiptare.
Tema e Javës
Një analizë më e detajuar e ngjarjeve më të rëndësishme gjatë javës në vend, përgatitur nga departamenti i informacionit në Tema TV.
Portofol
Gazetarja Teuta Shamku rikthen në ekranin e Tema Tv emisionin Portofol, dedikuar zhvillimeve ekonomike në vend dhe politikave financiare.
Kënaqësia e Gatimit
Për të apasionuarit ndaj gatimit në Tema TV nuk do të mungojë as këndi i kuzhinës me emisionin Kënaqësa e Gatimit. Receta të zgjedhura dhe gatuara me mjeshtëri nga shefa të njohur të kuzhinës shqiptare.
Formatet televiziv nuk do të jenë e vetmja alternativ e Tema Tv. Drejtoria e programacionet ka përzgjedhur një sërë tituj të rinj dhe mjaft të suksesshëm nga serialet e njohur turk.
Medcezir
Një prodhim i Ay Yapim dhe Star Turk Medcezir” është një serial dramatik turk i bazuar në serialin e njohur amerikan “The O.C.” Aktorët e përfshire ne cast-in e serialit turk janë të njohur për publikun shqiptar si Serenay Sarikaya (seriali LALE), i cili është transmetuar në KTV , Barış Falay (seriali “EZEL” dhe seriali ” Shamikuqja”) të transmetuar në TV KLAN. Seriali ka arritur shifra rekord audience në Turqi, duke u klasifikuar si një nga prodhimet më të ndjekura të viteve të fundit.
1001 Net
Një tjetër produksion turk mjaft i dashur për publikun shqiptar vjen tashmë në Tema Tv. Me 1001 Net do të përjetojmë edhe njëherë historinë e dashurisë mes Sheherzades dhe Onurit intrpretuar nga aktorët e njohur Berguzar Korel dhe Halit Ergenc.
Mad Men
Ndër serialet e njohur që do të transmetohen në Tema Tv nuk do të mungojnë edhe produksionet amerikane me Mad Men.
Të tjerë tituj serialesh do të jenë Iffet, Ishulli, Endrrat e Vjedhura e shumë të tjera së shpejti në ekranin e Tema TV.
InfoMediaAlbania
