Rikthehen çmimet e Top Music Awards me ritransmetimin e Natës së ndarjes së Çmimeve në Top Channel.
Në fakt mund të themi se ritransmetimi ka qenë i vonuar për më tepër që as videot e performancave apo ndarjes së çmimeve çuditërisht nuk janë hedhur online në kanalet zyrtare. Tashmë që atmosfera e një prej eventeve më të përfolur të vitit është zbehur duket se kjo zgjedhje për t’a risjellë edhe njëherë në ekran kaq vonë është e qëllimshme, ndoshta për të shmangur komentet apo dhe për t’i dhënë kohë montazhierëve për të prerë pjesët që kurrsesi nuk duhet të ritransmetohen për të mos ndezur edhe njëherë inatin e atyre që u përfshinë në debatet dhe polemikat e TMA 2016. Gjithsesi mbetet për t’u verifikuar nëse versioni #Relive do të jetë i plotë.
Gjithësesi për ata që e kanë humbur këtë event Top Channel do e ritransmetojë këtë të shtunë në orën 20.45 ndërsa të dielën video do të jetë e disponueshme edhe në faqen zyrtare në streaming.
