Kanë kapur rekordin kanalet televizive të cilat do të marrin pjesë në kompeticionin e Eutelsat. Ato janë më shumë se 100 kanale nga 27 vende të botës, ku 50 % e tyre janë kanale të sapo lançuara.
Kanalet i përkasin zhanreve të ndryshëme si: Muzikë, Sport, Për femijë, Programacion të përgjithshëm dhe Lifestyle (Stil jetese).
Juria do të mblidhet në Paris, pjesë e të cilës janë emra të njohur të televizionit, ku do të diskutojnë për Cmimin e Publikut. Shikuesit mund të votojnë televizionin e tyre të preferuar online duke filluar nga 9 Shtatori.
“Eutelsat Tv Awards” është një garë e organizuar në vite nga kompania “Eutelsat”, e cila menaxhon satelitët e transmetimeve televizive dixhitale në mbare botën, ku këtu bën pjesë edhe vendi ynë.
Në këtë kompeticion nuk mungon as Shqipëria me disa nga kanalet e platformave dixhitale: Digitalb dhe Tring. Kanalet që do të konkurojnë në Eutelsat TV Awards 2015 janë:
Çufo Tv, i cili garon në kategorinë e kanaleve për femijë. Digitalb i ka bërë një prezatim shumë të bukur këtij kanali që vijon në videon më poshtë:
https://www.youtube.com/watch?v=iTgMcQI4S4U
Një tjetër kanal i Digitalb që do të jetë në këtë kompeticion është pikërisht T HD, kanali cili vetëm para pak muajsh kaloi në formatin më të mirë të figurës dhe zërit. T HD do konkurojë në kategorinë e programacioneve gjeneraliste. Stafi i Digitalb edhe për këtë kanal ka bërë një prezantim mjaft të veçante me pjesë të shkëputura nga emisionet e veta.
https://www.youtube.com/watch?v=0Fd7o-Y6AVQ
“Im Alive” nga Elhaida Dani, e cila krenoi Shqipërinë në Eurovision 2015, mesa duket do të na nderoj përsëri. Tring ka përzgjdhur pikërish këtë këngë per të shoqëruar insertin prezantues të kanalit Living HD, i cili do të garojë me disa kanale të tjera nga shumë shtete në kategorinë Lifestyle.
https://www.youtube.com/watch?v=zvqXGxje2Uc
I urojmë shumë suksese që të gjithë kanaleve të cilat do të perfaqsojnë Shqipërinë. Ndërkohë të dashur miq ju ftojmë që të qendroni me Info Media Albania për një informim më të gjerë në ditët ne vijim pasi të hapet votimi për publikun.
Në vazhdim lista e plote me kandidaturat dhe kategorite e çmimeve.
IMA / J. Kasaj
