Xhensila e BB8 merr ofertë për aktore në një serial turk?

Xhensila Pere, e cila përfaqësoi Shqipërinë në “Miss Exclusive of the World” që u organizua pak ditë më parë në Turqi, ka gjasa të nisë një karrierë të re atje.

Pasi e kanë parë tek sfilonte në skenën e vajzave të bukura nga e gjithë bota, Xhensila ka rënë në sy të producentëve turq, të cilët i kanë propozuar direkt pas spektaklit një rol në serialet turke. Në këtë garë të fituar nga përfaqësuesja e Danimarkës, Xhensila arriti të kualifikohet në 20 konkurrentet më të bukura.

Kjo ka bërë që të bjerë në sy të producentëve, të cilët i ndjekin këto evente për të pikasur ndonjë imazh të ri e të pakonsumuar për telenovelat turke. Dihet që kinemaja turke prej vitesh është ndër më të suksesshmet, aq sa filmat e tyre janë blerë nga televizionet më të fuqishme të vendeve të Europës.

Po a do ta ketë Xhensila këtë fat?! Le të shohim se si do të ecin gjërat, ndërkohë që Xhensila ka shtyrë rikthimin për në Shqipëri, pasi është duke diskutuar kontratën. Nëse ajo bie dakord për të nisur një jetë të re si aktore në Turqi, atëherë do të ketë fatin e Nik Xhelilajt dhe Almeda Abazit, të cilët jo vetëm kanë depërtuar në kinemanë turke, por janë ndër më të preferuarit e momentit atje.

FATJONI: NUK E NDALOJ TË BËJË AKTOREN, MUND TË ZHVENDOSEM DHE UNË PËR TË QENË PRANË SAJ
Edhe pse kjo është distanca e tyre e parë, ata me padurim po presin të ritakohen në Tiranë. Xhensila kishte planifikuar të rikthehej direkt pas finales së spektaklit të bukurisë, por oferta për të qenë aktore në një produksion të ri, e ka bërë që ta shtyjë rikthimin në Tiranë duke e lënë për një datë të pacaktuar.

I pyetur nga “Panorama” se si po shkon lidhja e tyre tani që janë larg, ai përgjigjet: “Gjithçka po shkon mirë në distancë, edhe pse Xhensila ende nuk është kthyer në Tiranë, pasi është duke diskutuar një ofertë, që i është bërë për të luajtur në një serial të ri atje.

Marre nga Panorama Plus

REKLAMA
loading...

KOMENTO

This site uses Akismet to reduce spam. Learn how your comment data is processed.